2850 कोटींचा मालक असलेल्या सलमानने केलं होतं हॉटेलमध्ये काम; जाणून घ्या त्याचं फर्स्ट इन्कम

Salman khan: आज वर्षाकाठी २०० कोटी कमावणाऱ्या सलमानचं पहिलं मानधन १०० रुपयांपेक्षाही कमी होतं.

सलमान भाई, भाईजान, दबंग खान अशा कितीतरी नावाने ओळखला जाणारा अभिनेता म्हणजे सलमान खान.

उत्तम अभिनयशैली आणि दमदार पर्सनालिटी यांच्या जोरावर सलमानने प्रेक्षकांना आपलंसं केलं आहे.

गेल्या कित्येक वर्षांपासून सलमान प्रेक्षकांच्या मनावर राज्य करत आहे. त्यामुळे आजही त्याच्या सिनेमांना प्रेक्षक तुडूंब गर्दी करतात.

सलमान त्याच्या प्रोफेशनल लाइफसोबतच पर्सनल आयुष्यामुळेही चर्चेत येत असतो. यात बऱ्याचदा त्याच्या लव्हलाइफची चर्चा होते. मात्र, यावेळी त्याच्या पहिल्या नोकरीची चर्चा रंगली आहे.

आज अनेक सुपहिट सिनेमा देणार सलमानने एकेकाळी चक्क हॉटेलमध्ये काम केलं आहे. इतकंच नाही तर या कामासाठी त्याला अत्यंत किरकोळ मानधन मिळायचं.

आज सलमान त्याचा ५८ वा वाढदिवस साजरा करत आहे. त्यामुळे त्याच्या पहिल्या नोकरीची आणि पगाराची नेटकऱ्यांमध्ये चर्चा होत आहे.

आज 2850 कोटींचा मालक असलेल्या सलमानची पहिली कमाई १०० रुपयांपेक्षाही कमी होती.

एका मुलाखतीमध्ये सलमानने त्याची पहिली कमाई सांगितली होती. मुंबईतील ताज या हॉटेलमध्ये एका कार्यक्रमात सलमानने बॅकग्राऊंड डान्सर म्हणून काम केलं होतं.

या कामासाठी त्याला ७५ रुपये मानधन मिळालं होतं. इतकंच नाही तर इंडस्ट्रीत पदार्पण केल्यानंतर त्याने मैंने प्यार किया हा सिनेमा केला होता. हा सिनेमा हिट झाला. परंतु, या सिनेमासाठी त्याला ३१ हजार रुपये मानधन मिळालं होतं.

आज सलमान वर्षाकाठी २०० कोटींची कमाई करतो. तसंच तो अभिनेता असण्यासोबत एक बिझनेसमनदेखील आहे. ‘सलमान खान फिल्म्स (SKF)’ नावाचं त्याचं प्रोडक्शन हाउस आहे. तसंच बीइंग ह्युमन नावाचा एक ब्रँडदेखील त्याने लाँच केला आहे.