संजय दत्तची ३६ वर्षीय लेक त्रिशाला चर्चेत, सौंदर्यात देते बॉलिवूडच्या अभिनेत्रींना टक्कर
By ऑनलाइन लोकमत | Published: July 30, 2024 07:25 PM2024-07-30T19:25:05+5:302024-07-30T19:35:05+5:30
Sanjay Dutt Daughter Trishala Dutt: संजय दत्तच्या जुळ्या मुलांची अनेकदा चर्चा होते. पण सध्या त्याची मोठी मुलगी त्रिशाला चर्चेत आली आहे.
बॉलिवूड सुपरस्टार संजय दत्तने २९ जुलै रोजी ६५वा वाढदिवस साजरा केला. यानिमित्ताने संजय दत्तला बॉलिवूड सेलिब्रिटींनी तसेच त्याची पत्नी मान्यता दत्त यांनी शुभेच्छा दिल्या. याशिवाय त्याची मुलगी त्रिशाला हिनेही त्याला वाढदिवसाच्या शुभेच्छा दिल्या आहेत.
संजय दत्तची मुलगी त्रिशाला हिने तिच्या वडिलांना वाढदिवसानिमित्त इंस्टाग्रामवर एक स्टोरी शेअर करून शुभेच्छा दिल्या होत्या. संजय दत्तची मुलगी त्रिशाला भारतात राहत नाही. ती अमेरिकेत वास्तव्यास आहे.
संजय दत्त अनेकदा तिला भेटायला अमेरिकेला जातो. संजय दत्तने १९८७ मध्ये दिवंगत अभिनेत्री रिचा शर्मासोबत पहिले लग्न केले होते. लग्नानंतर दोघेही मुलगी त्रिशालाचे पालक झाले. मात्र, लग्नानंतर काही वर्षांनी रिचाचा मृत्यू झाला.
रिचा अमेरिकेत राहत होती. रिचाच्या मृत्यूनंतर संजयला आपल्या मुलीचा ताबा हवा होता, पण त्याची पार्श्वभूमी लक्षात घेऊन त्रिशालाचा ताबा तिच्या आजी-आजोबांकडे देण्यात आला.
त्रिशाला अमेरिकेत वाढली आणि ती अमेरिकेतच राहते. त्रिशाला अमेरिकेतील न्यूयॉर्कमध्ये आनंदी जीवन जगते.
संजयची मोठी मुलगी त्रिशाला ३६ वर्षांची आहे. तिचा जन्म ऑगस्ट १९८८ मध्ये झाला. सौंदर्याच्या बाबतीत त्रिशाला बॉलिवूडमधील आघाडीच्या अभिनेत्रींना टक्कर देते.
संजय दत्त आणि रिचा शर्मा यांची मुलगी त्रिशाला ही व्यवसायाने मानसोपचारतज्ज्ञ आहे.
त्रिशाला तिचे वडील संजय दत्तचा खूप आदर करते. याशिवाय संजय दत्तची पत्नी मान्यता आणि त्यांची जुळी मुले, मुलगा शाहरान आणि मुलगी इक्रासोबतही तिचे चांगले संबंध आहेत.
त्रिशला दत्त सोशल मीडियावरही खूप सक्रिय आहे. इंस्टाग्रामवर त्यांचे ६ लाख ४९ हजारांहून अधिक फॉलोअर्स आहेत.
पूर्वी त्रिशाला दररोज तिचे ग्लॅमरस फोटो आणि व्हिडिओ पोस्ट करत असे. मात्र, आता त्याने अनेक पोस्ट डिलीट केल्या आहेत.