"हा एकमेव सेट होता जिथे मला दररोज खूप वाईट वागणूक..."; अभिनेत्रीने मांडली व्यथा

अभिनेत्री एका तेलुगू चित्रपटात काम करत होती ज्यामध्ये तिच्या उंचीमुळे तिला खूप त्रास देण्यात आला.

अभिनेत्री श्वेता बसू प्रसादने अलीकडेच सेटवर तिच्यासोबत झालेल्या गैरवर्तनाबद्दल सांगितलं. श्वेता एका तेलुगू चित्रपटात काम करत होती ज्यामध्ये तिच्या उंचीमुळे तिला खूप त्रास देण्यात आला.

बॉलीवूड बबलशी बोलताना श्वेता म्हणाली, "मी एक तेलुगू चित्रपट करत होते आणि त्या चित्रपटाची संपूर्ण टीम दररोज माझ्या उंचीवरून कमेंट करायची."

"माझा हिरो बराच उंच होता, तो ५'११ किंवा जवळजवळ ६ फूट उंच होता आणि मी ५'२ उंचीची आहे. तो प्रत्येक सीनमध्ये गोंधळ घालायचा. रिटेक द्यायचा."

"तो तेलुगू होता पण तरीही त्याला त्याची भाषा बोलता येत नव्हती. मलाही ती भाषा येत नव्हती पण मी मॅनेज करत होती."

"जेव्हा कोणी माझ्यावर कमेंट करायचे तेव्हा मला असं वाटायचं की तुम्ही मला अशा गोष्टीबद्दल सांगत आहात ज्यावर माझा कंट्रोल नाही."

"ही अशी गोष्ट आहे जी जेनेटिकली आहे, तुम्ही ती मॅनेज करू शकत नाही. हा एकमेव सेट होता जिथे मला खरोखर दररोज खूप वाईट वागणूक दिली गेली."

श्वेता इंडिया लॉकडाउन, मकडी, सिरियस मेन आणि इक्बाल सारख्या प्रोजेक्टसाठी ओळखली जाते.

श्वेताने आपल्या अभिनयाने स्वत:ची एक वेगळी ओळख निर्माण केली आहे. तिचे असंख्य चाहते आहेत.

अभिनेत्री सोशल मीडियावर खूपच जास्त एक्टिव्ह आहे. ती नेहमीच तिचे ग्लॅमरस फोटो शेअर करत असते.