लोकप्रिय गायिका आशा भोसले आहेत यशस्वी व्यवसायिक; दुबईमध्ये करतात 'हा' व्यवसाय

Asha Bhosale: जवळपास २० वर्षांपूर्वीच आशाताईंनी या क्षेत्रात पदार्पण केलंय हे फार कमी जणांना माहित आहे.

आपल्या आवाजाने कानसेनांना तृप्त करणाऱ्या लोकप्रिय गायिका म्हणजे आशा भोसले.

आजवर त्यांनी वेगवेगळ्या ढंगातील, अंदाजातील गाणी सादर करुन कलाविश्वात त्यांचं हक्काचं स्थान निर्माण केलं आहे.

संपूर्ण जगभरात त्यांचं नाव आदराने घेतलं जातं. विशेष म्हणजे आवाजाच्या जोरावर नाव कमावणाऱ्या आशा भोसले एक व्यावसायिकदेखील आहेत.

आशा भोसले केवळ गायिका नसून त्या प्रसिद्ध व्यावसायिकदेखील आहे. सातासमुद्रापार त्यांनी त्यांचा व्यावसाय सुरु केला आहे.

आशा भोसले यांचं दुबईमध्ये एक रेस्टॉरंट आहे हे फार कमी जणांना माहित आहे. नुकताच त्यांनी या रेस्टॉरंटमधील एक व्हिडीओ शेअर केल्यामुळे ही गोष्ट अनेकांना ठावूक झाली.

आशा भोसले यांनी इन्स्टाग्रामवर एक व्हिडीओ शेअर केला आहे. यात त्या त्यांच्या रेस्टॉरंटमध्ये स्वयंपाक करताना दिसून येत आहेत.

'Asha's Restaurants' असं त्यांच्या रेस्टॉरंटचं नाव असून जवळपास २० वर्षांपूर्वी त्यांनी या क्षेत्रात पदार्पण केलं आहे.

दुबईमधील WAFI मॉलमध्ये त्यांचं हे रेस्टॉरंट असून अशा अनेक ठिकाणी त्यांनी हे रेस्टॉरंट सुरु केलं आहे.

विदेशाप्रमाणेच देशातही काही ठिकाणी आशा भोसले यांचं हे रेस्टॉरंट पाहायला मिळतं.

आशा भोसले यांनी दुबईमध्ये त्यांचं पहिलं आऊटलेट सुरु केलं होतं.

आशा भोसले बऱ्याचदा स्वत: या रेस्टॉरंटला भेट देत असून तेथे खवय्यांसाठी स्वत:च्या हाताने पदार्थही तयार करतात.

आशा भोसले सोशल मीडियावर सक्रीय असून कायम त्यांच्या प्रोफेशनल आणि पर्सनल आयुष्याची माहिती चाहत्यांसोबत शेअर करत असतात.