Singer Sidhu Moose Walaचं आईसोबत होतं खूप छान बॉण्डिंग, सोशल मीडियावरील 'ती' पोस्ट होतेय व्हायरल

Singer Sidhu Moose Wala : सिद्धू मुसेवाला यांचे सोशल मीडियावर खूप मोठा फॅन फॉलोव्हिंग आहे.

पंजाबमधील प्रसिद्ध गायक सिद्धू मुसेवाला यांची रविवारी गोळ्या झाडून हत्या केल्याची खळबळजनक घटना घडली आहे.

मानसाच्या जवाहरके गावाजवळ मुसेवाला यांच्यावर गोळीबार करण्यात आला. या घटनेनंतर, मुसेवाला यांना गंभीर अवस्थेत मानसा येथील रुग्णालयात दाखल करण्यात आले. मात्र उपचारादरम्यान त्यांचा मृत्यू झाला.

या घटनेमुळे पंजाबसह संपूर्ण देशभरात खळबळ उडाली आहे. या घटनेनंतर सर्वत्र हळहळ व्यक्त केली जात आहे.

सिद्धू मुसेवाला हे सोशल मीडियावर नेहमी सक्रीय असायचे. त्यांचा सोशल मीडियावर खूप फॅन फॉलोव्हिंग आहे.

सिद्धू मुसेवाला हे त्यांच्या आईच्या फार जवळ होते. हे त्यांच्या सोशल मीडियावरील पोस्टमधून समजते.

काही दिवसांपूर्वी सिद्धू मुसेवाला यांची आई चरण कौर यांचा वाढदिवस साजरा करण्यात आला. या वाढदिवसानिमित्त सिद्धू यांनी त्यांच्या आईला खास शब्दात शुभेच्छा दिल्या होत्या.

कधीकधी मी सूर्यासारखा तापट असतो, तर कधी मी पहाटेसारखा शांत असतो. पण आई मला वाटते की मी तुझ्यासारखा आहे. वाढदिवसाच्या खूप खूप शुभेच्छा आई. माझे तुझ्यावर खूप प्रेम आहे, असे त्यांनी या पोस्टमध्ये म्हटले होते.

या वाढदिवसानिमित्त सिद्धू यांनी त्यांच्या आईला खास शब्दात शुभेच्छा दिल्या होत्या. यात सिद्धू मुसेवाला यांनी त्यांच्या आईला समर्पित करणारे एक गाणे गायले आहे. ‘डियर मम्मा’ असे त्या गाण्याचे नाव होते. या गाण्यातून सिद्धू यांचे त्यांच्या आईवर असलेले प्रेम स्पष्टपणे जाणवते.

सिद्धू मुसेवाला यांनी २० फेब्रुवारीला मानसामधून विधानसभा निवडणूक लढवली होती. त्यावेळी त्यांनी काँग्रेसचे उमेदवार म्हणून निवडणूक लढवली होती.