दिवंगत स्मिता पाटील यांची भाचीही आहे अभिनेत्री, शाहरुखसोबत 'चक दे इंडिया' सिनेमात केलंय काम

दिवंगत अभिनेत्री स्मिता पाटील यांची भाची बॉलिवूडमध्ये सध्या अभिनेत्री म्हणून कार्यरत आहे हे फार कमी जणांना माहित असेल. कोण आहे ती? जाणून घ्या

दिवंगत अभिनेत्री स्मिता पाटील या मराठी आणि हिंदी सिनेसृष्टीत सशक्त भूमिका साकारणाऱ्या नायिका. स्मिता पाटील हयात नसल्या तरीही यांच्या पावलावर पाऊल ठेवत त्यांची भाची आज सिनेसृष्टीत कार्यरत आहे.

स्मिता पाटील यांची भाची बॉलिवूड आणि मराठीतील लोकप्रिय अभिनेत्री आहे हे फार कमी जणांना ठाऊक असेल. तिचं नाव आहे विद्या माळवदे.

विद्याने 'चक दे इंडिया' सिनेमात शाहरुख खानसोबत काम केलं होतं. भारतीय हॉकी टीमची कॅप्टन म्हणून विद्या 'चक दे इंडिया' सिनेमात झळकली होती

२००३ साली विक्रम भट दिग्दर्शित 'इंतेहा' या सिनेमातून विद्याने तिच्या करिअरला सुरुवात केली. २० हून जास्त सिनेमे केलेल्या विद्याला 'चक दे इंडिया' सिनेमातून खरी प्रसिद्धी मिळाली

१९९७ साली विद्याने वयाच्या २४ व्या वर्षी कॅप्टन अरविंद बग्गा यांच्याशी लग्न केलं. परंतु लग्नाच्या तीन वर्षातच विमान अपघातात अरविंद यांचं निधन झालं.

कमी वयात मिळालेल्या या धक्क्यातून सावरत विद्याने अभिनयक्षेत्रात स्वतःची ओळख निर्माण करण्याचा प्रयत्न केला. याशिवाय ९ वर्षांनंतर तिने दुसरं लग्न केलं. विद्याला आजही 'चक दे गर्ल' म्हणून ओळखलं जातं

विद्याला 'चक दे इंडिया'नंतर इतके चांगले सिनेमे मिळाले नाहीत. तरीही ती छोट्या भूमिकांमधून चाहत्यांच्या भेटीला येत असते. विद्या सोशल मीडियावरही सक्रीय आहे