1000 हून अधिक ऑडिशन्स, रंगामुळे रिजेक्शनचा सामना; अभिनेत्रीचं 'असं' चमकलं नशीब

Sobhita Dhulipala Birthday : मॉडेलिंगमधून अभिनयात आलेल्या शोभिता धुलिपालाने फिल्मी दुनियेत स्वत:ची वेगळी ओळख निर्माण केली आहे.

साऊथपासून ते बॉलिवूडपर्यंत आपल्या अभिनयाची चुणूक दाखवणारी शोभिता धुलिपाला आज तिचा ३२ वा वाढदिवस साजरा करत आहे. मॉडेलिंगमधून अभिनयात आलेल्या शोभिता धुलिपालाने फिल्मी दुनियेत स्वत:ची वेगळी ओळख निर्माण केली आहे.

अभिनेत्रीला हे यश सहजासहजी मिळालेलं नाही. यासाठी शोभिता धुलिपालाला अनेक रिजेक्शनचा सामना करावा लागला आहे. शोभिताच्या वाढदिवसानिमित्त तिच्याबद्दलच्या काही खास गोष्टी जाणून घेऊया...

शोभिता धुलिपालाचा जन्म ३१ मे १९९२ रोजी आंध्र प्रदेशमध्ये झाला. तिचे वडील मर्चंट नेव्ही इंजिनिअर आहेत आणि आई शिक्षिका आहे. अभ्यासात उत्तम असण्यासोबतच शोभिता भरतनाट्यम आणि कुचीपुडीमध्ये ट्रेन्ड आहे.

एका मित्राच्या सल्ल्यानंतर शोभिताने मॉडेलिंगमध्ये आपलं नशीब आजमावलं. त्यानंतर तिने मिस अर्थ २०१३ मध्ये भारताचं प्रतिनिधित्व केलं. त्यानंतर शोभिता 2014 मध्ये किंगफिशरच्या कॅलेंडरमध्ये सामील झाली.

मॉडेलिंगमधून अभिनयाच्या जगात येणं शोभितासाठी सोपं नव्हतं. अभिनयाच्या जगात आपला पाय रोवण्यासाठी तिने सलग ३ वर्षे ऑडिशन्स दिल्या आहेत.

अभिनेत्रीने एका मुलाखतीत सांगितलं होतं की, तिला तिच्या सुरुवातीच्या दिवसांमध्ये खूप रिजेक्शनचा सामना करावा लागला होता. तिने तब्बल 1 हजार ऑडिशन्स दिल्या, त्यात तिला फक्त निराशाच मिळाली.

शोभिताने सांगितलं की, आउटसायडर म्हणून यश मिळवणं कठीण होतं. एंटरटेनमेंट रिपोर्ट्स विश्वास ठेवला तर, अभिनेत्रीला तिच्या रंगामुळे बऱ्याच रिजेक्शनना सामोरं जावं लागलं आहे.

शोभिता धुलिपालाने 'रमण राघव 2.0' मधून फिल्मी दुनियेत पदार्पण केलं होतं. हा चित्रपट कान्स २०१५ मध्ये दाखवण्यात आला होता, त्यानंतर अभिनेत्रीचं खूप कौतुक झालं. कान्स २०१५ नंतर अभिनेत्रीचे नशीब चमकलं.

'रमन राघव 2.0' मधून डेब्यू केल्यानंतर, अभिनेत्रीने 'शेफ', 'पोन्नियिन सेलवन', 'गुणाचारी' सारख्या अनेक चित्रपटांमध्ये काम केलं आहे. याशिवाय 'मेड इन हेवन' आणि 'द नाईट मॅनेजर सीझन 1 आणि 2', 'बॉर्ड ऑफ ब्लड', 'द बॉडी' सारख्या सीरिजमध्येही काम केलं आहे.