प्रायव्हेट जेट, कोट्यवधींचा बंगला, अभिनेत्रीचं लक्झरिअस आयुष्य; लवकरच बॉलिवूडमध्ये एंट्री

अतिशय आलिशान आयुष्य जगतेय ही अभिनेत्री

मनोरंजनविश्वातील आघाडीचे आणि यशस्वी कलाकार त्यांच्या आलिशान राहणीमानामुळे ओळखले जातात. मोठमोठे बंगले, महागड्या गाड्या, बॉडीगार्ड आणि नोकर चाकर असं त्यांचं आयुष्य दिसतं. त्यांना कशाचीही कमी नसते.

आपल्या अशाच लाईफस्टाईलसाठी एक साऊथ अभिनेत्री प्रसिद्ध आहे. लवकरच ती शाहरुख खानसोबत बॉलिवूडमध्ये पदार्पण करण्यासाठी सज्ज आहे. तर गेल्या वर्षीच तिचं लग्न झालं असून तिला जुळी मुलंही आहेत.

ती म्हणजे दाक्षिणात्य अभिनेत्री नयनतारा (Nayanthara). नयनताराचं राहणीमान अतिशय रॉयल आहे. शिवाय तिच्याकडे अनेक घरंही आहेत. सिनेमांमधून आणि ब्रँड्समधून ती कोट्यवधीची कमाई करते. नयनतारा जितकी सुंदर आहेत तितकीच हुशारही आहे.

नयनताराची चार वेगवेगळ्या शहरात घरं आहेत. हैदराबादमध्ये तिचं 15 कोटींचं घर आहे. तर चेन्नईतही तिचं आलिशान ४ बीएचके घर आहे. याशिवाय मुंबई आणि केरळमध्येही तिचे फ्लॅट आहेत. या सर्वच घरांची किंमत कोट्यवधी रुपयांपर्यंत जाते.

इतकंच नाही तर तिच्याकडे प्रायव्हेट जेटही आहे. तसंच Audi q7 कारही आहे. ज्याची किंमत किमान ८० लाखांपर्यंत आहे. तर ७० लाखांची BMW ही आहे. तिच्याकडे असलेलं हे गाड्यांचं कलेक्शन पाहिलंत तर थक्कच व्हाल.

नयनताराचं नेटवर्थ सांगायचं तर जवळपास २२ मिलियन म्हणजेच 165 कोटी इतकं आहे. ती एका सिनेमासाठी १० ते १५ कोटी रुपये घेते. लवकरच ती शाहरुख खानच्या 'जवान' सिनेमातून बॉलिवूडमध्ये पदार्पण करत आहे.

एकेकाळी नयनतारा आणि डान्सर प्रभूदेवा यांच्या अफेअरची चर्चा रंगली होती. दोघंही लिव्ह इन रिलेशनशिपमध्ये राहत होते. मात्र प्रभूदेवा विवाहित होता आणि त्याची बायको त्याला घटस्फोट देण्यास तयार नव्हती. त्यामुळे नंतर प्रभूदेवा आणि नयनतारा वेगळे झाले.

गेल्याच वर्षी नयनतारा आणि फिल्ममेकर विग्नेश सिवन लग्नबंधनात अडकले. शाहरुख खानने त्यांच्या लग्नात हजेरी लावली. तर सरोगसीच्या माध्यमातून त्यांना दोन जुळी मुलं झाली. सध्या नयनतारा संसारात रमली आहे.