६ महिने भोगला तुरुंगवास, प्लास्टिक सर्जरीमुळे उद्धवस्त झालं करिअर, कुठेय 'साकी साकी' गर्ल?

बॉलिवूडची ही अभिनेत्री डान्स नंबर्ससाठी ओळखली जाते. तिने सुंदर दिसण्यासाठी सर्जरी केली होती. मात्र या सर्जरीमुळे तिचे करिअरदेखील उद्धवस्त झाले.

बॉलिवूडमध्ये डान्स नंबर्स आणि हॉटनेससाठी प्रसिद्ध असलेली अभिनेत्री कोएना मित्रा आता सिनेइंडस्ट्रीपासून दुरावली आहे. मुसाफिर चित्रपटातील साकी साकी या गाण्यातून एका रात्रीत लोकप्रिय झालेली कोएना सध्या सिनेइंडस्ट्रीतून गायब झाली आहे.

कोएना सध्या लॉस अँजेलिसमध्ये राहत आहे. तिथे ती स्क्रीन टेस्ट देण्यासाठी गेली होती. मात्र ती पुन्हा भारतात परतलीच नाही. अभिनेत्रीचं जीवन खूप वादग्रस्त राहिले आहे.

२०१३ साली अभिनेत्रीवर चेक बाउंस प्रकरणी केस दाखल करण्यात आली होती. चेक बाउंस प्रकरणात तिला मेट्रोपॉलिटन मॅजिस्ट्रेट कोर्टाने सहा महिन्यांची शिक्षा सुनावली होती.

याशिवाय कोयना प्लास्टिक सर्जरीमुळेही चर्चेत आली होती. कोयनाने काही वर्षांपूर्वी तिचे लूक्स आणखी चांगला बनवण्यासाठी सर्जरी केली होती. मात्र ही सर्जरी बिघडली आणि तिचा चेहराही बिघडला.

कोयनाने एका मुलाखतीत सांगितले होते की, प्रत्येक माणसांचे शरीर वेगळ्या पद्धतीने रिअॅक्ट करते. सर्जरीनंतर माझ्या चेहऱ्यावर सूज आली होती. ज्या पद्धतीने शरीरातील हाडे जोडण्यासाठी काही महिने लागतात. तसेच माझा चेहरा योग्य होण्यासाठी जवळपास एक वर्ष लागले.

अभिनेत्रीने पुढे म्हटले, माझी सर्जरी चुकीची नव्हती पण त्यानंतर जी रिएक्शन झाली ती चुकीची होती. माझे चीक बोन्स खूप खराब झाले होते. चेहरा पाण्याने भरला होता. ज्यामुळे खूप कुरुप दिसत होते.

कोयनाने हे सांगितले होते की, सर्जरीमुळे तिला इंडस्ट्रीतल्या लोकांकडून खूप ऐकावे लागले होते. इतकेच नाही तर तिला काम मिळणेही कठीण झाले होते.

कोयनाने सांगितले की, ती बऱ्याच मोठ्या प्रोजेक्टची हिस्सा होती पण पूर्ण तीन वर्षांपर्यंत तिला सर्जरीसाठी टोमणे ऐकावे लागले. तिच्या या निर्णयामुळे तिचे करिअर उद्धवस्त झालं.

कोयना मित्राच्या वर्कफ्रंटबद्दल सांगायचं तर शेवटची ती बिग बॉस १३मध्ये झळकली होती. यादरम्यान ती तिच्या सर्जरीमुळे खूप चर्चेत आली होती.