मैं परेशान परेशां...परेशान, परेशान...! बोरिंग लव्ह लाईफमुळे त्रासली संजना सांघी

सुशांत सिंग राजपूतचा अखेरचा सिनेमा ‘दिल बेचारा’मधून डेब्यू करणारी अभिनेत्री संजना सांघी सध्या जरा कन्फ्युज आहे. कारण काय तर लव्ह लाईफ.

होय, अद्याप आयुष्यात कुणीही नाही. म्हणजे, संजना सिंगल आहे आणि याचे दु:ख तिला आहे.

अलीकडे एका मुलाखतीत संजना लव्ह लाईफवर बोलली. मी अद्याप सिंगल आहे. आयुष्यात कुणीतरी हवंय. पण अद्याप आयुष्यात कुणीही नाही आणि हे खूप वाईट आहे, असे संजना म्हणाली.

मला रिलेशनशिपमध्ये पडायचे नाही, असे अजिबात नाही. मलाही प्रेम हवंय, जोडीदार हवा आहे आणि त्यासाठी मी ओपन आहे, पण काळासोबत ‘टाईप’ बदलतोय, असे ती म्हणाली.

आता हा ‘टाईप’ बदलणे म्हणजे काय तर संजनाच्या बॉयफ्रेन्डबद्दलच्या अपेक्षा काळासोबत बदलत आहेत.

ती सांगते, शाळेत असताना मला फुटबॉल प्लेअर आवडत. कॉलेजमध्ये असताना मला बोरिंग टाईपचे अभ्यासू मुलं आवडू लागलीत. पण आता मला कशी मुलं आवडतात, याचा मी विचार करतेय.

एकंदर काय तर कसा मुलगा हवा, हेच संजनाच्या कनफ्युजनचे कारण आहे.

संजना लवकरच आदित्य राय कपूरसोबत ‘ओम- द बॅटल विदइन’ या सिनेमात दिसणार आहे. कोरोना महामारीमुळे सध्या या सिनेमाचे शूटींग रखडले आहे.

‘रॉकस्टार’ या चित्रपटात संजनाने नरगिसच्या बहिणीची भूमिका साकारली होती. संजना यात सहाय्यक अभिनेत्रीच्या भूमिकेत होती.

त्याआधी अनेक जाहिरातींमध्ये संजना झळकली होती. ‘दिल बेचारा’ हा लीड हिरोईन म्हणून तिचा पहिला सिनेमा होता. या सिनेमातील तिच्या कामाचे प्रचंड कौतुक झाले होते.