Femina Miss India 2022 : कर्नाटकच्या सिनी शेट्टीनं जिंकला ‘मिस इंडिया’चा ताज, कोण आहे ही साऊथची ब्युटी?

Sini Shetty Femina Miss India 2022 : 'मिस इंडिया 2022' स्पर्धेच्या अंतिम फेरीत 31 स्पर्धकांना मागे टाकत सिनीनं मिस इंडिया 2022चा किताब आपल्या नावे केला....

देशाला नवी ब्युटी क्वीन मिळाली आहे. होय, फेमिना मिस इंडिया 2022 ची घोषणा झालीये. कर्नाटकच्या सिनी शेट्टीनं मिस इंडिया 2022 चा खिताब जिंकला आहे.

ब्युटी विद ब्रेन सिनी शेट्टीने 31 फायनलिस्ट सौंदर्यवतीने हरवत हा खिताब जिंकला. राजस्थानची रुबल शेखावत ही पहिली उपविजेती ठरली. त्याचवेळी उत्तर प्रदेशची शिनाता चौहान दुसरी उपविजेती ठरली.

यंदाचा फेमिना मिस इंडिया इव्हेंट मुंबईतील जिओ कन्व्हेन्शन सेंटरमध्ये पार पडला. टॉप 5 फायनलिस्टमध्ये सिनी शेट्टी, रुबल शेखावत, शिनाता चौहान, प्रज्ञा अय्यागरी आणि गार्गी यांचा समावेश होता. यापैकी सिनीने बाजी मारली.

फेमिना मिस इंडिया 2021 मनसा वाराणसी हिने मिस इंडिया 2022चा ताज सिनी शेट्टीला घातला. ही सिनी शेट्टी कोण, हे जाणून घेण्यास चाहते उत्सुक आहेत. तर आज आम्ही तिच्याचबद्दल सांगणार आहोत.

21 वर्षांच्या सिनी शेट्टीचा जन्म मुंबईत झाला आहे. ती मूळची कर्नाटकची आहे. सिनीने अकाउंटिंग आणि फायनान्समध्ये बॅचलर डिग्री घेतली आहे.

सिनी अद्यापही शिकते आहे. चार्टर्ड फायनान्स अ‍ॅनालिस्टचा अभ्यासक्रम ती करते आहे. अभ्यात हुशार असलेल्या सिनीला नृत्याची प्रचंड आवड आहे.

वयाच्या चौथ्या वषार्पासून सिनीने नृत्याला सुरुवात केली. वयाच्या चौदाव्या वर्षांपर्यंत सिनी शेट्टी अरंगत्रम आणि भरतनाट्यममध्ये पारंगत झाली.

सिनीचं प्रोफाईल बघता, ती एक मल्टीटॅलेंटेड मुलगी आहे, हे स्पष्ट दिसतं. मॉडेल म्हणून तिने आपल्या करिअरची सुरूवात केली. अनेक मोठ्या ब्रँडच्या जाहिरातींमध्ये ती झळकलेली आहे.

सौंदर्याच्या बाबतीही ती कमी नाही. युनिक स्टाईलने ती बॉलिवूड अभिनेत्रींनाही मात देते. तिच्या सौंदर्यावर कुणीही फिदा होईल.

सिनी सोशल मीडियावर अ‍ॅक्टिव्ह आहे. इन्स्टाग्रामवर तिचे 66.3k फॉलोअर्स आहेत. आता तर ती मिस इंडिया झाली आहे. साहजिकच तिचे फॉलोअर्स वाढणार आहेत.