अक्षय कुमारच्या लक्ष्मी बॉम्बसोबतच हे १० बिग बजेट चित्रपट प्रदर्शित होणार ओटीटी प्लॅटफॉर्मवर

सध्या भारतात लॉकडाऊन असल्याने चित्रपटगृहं गेल्या काही महिन्यांपासून बंद आहेत आणि कोरोनाचा फैलाव दिवसेंदिवस वाढत असल्याने चित्रपटगृहं पुन्हा कधी सुरू होणार यावर प्रश्नचिन्ह कायम आहे. त्यामुळे अनेक बॉलिवूड सेलिब्रेटींचे बिग बजेट चित्रपट चित्रपटगृहाऐवजी ओटीटी प्लॅटफॉर्मवर प्रदर्शित केले जाणार असल्याचे म्हटले जात आहे. अक्षय कुमारचा बहुचर्चित लक्ष्मी बॉम्ब हॉटस्टार या ओटीटी प्लॅटफॉर्मवर प्रदर्शित होणार आहे.

अमिताभ बच्चन आाणि आयुषमान खुराणा यांची मुख्य भूमिका असलेल्या गुलाबो सिताबो या चित्रपटाची प्रेक्षक आतुरतेने वाट पाहात होते. हा चित्रपट देखील ओटीटीवरच प्रदर्शित केला जाणार असून याविषयी लवकरच घोषणा केली जाईल असे म्हटले जात आहे.

इंदू की जवानी या चित्रपटात प्रेक्षकांना कियारा अडवाणी एका वेगळ्याच अंदाजात पाहायला मिळणार आहे. हा चित्रपट देखील ओटीटीच्या माध्यमातून प्रेक्षकांच्या भेटीस येणार असल्याची चर्चा रंगली आहे.

सैराट फेम नागराज मंजुळेचा झुंड हा पहिला बॉलिवूड चित्रपट असून या चित्रपटात अमिताभ बच्चन मुख्य भूमिकेत आहेत. या चित्रपटाची गेल्या कित्येक महिन्यांपासून प्रेक्षक आतुरतेने वाट पाहात आहेत. हा चित्रपट देखील चित्रपटगृहात प्रदर्शित न होता प्रेक्षकांना ओटीटी प्लॅटफॉर्मवर पाहायला मिळणार असल्याचे म्हटले जात आहे.

अभिषेक बच्चन आणि राजकुमार राव यांचा लुडो हा चित्रपट नेटफ्लिक्सवर प्रदर्शित होणार आहे.

विद्या बालनच्या आगामी चित्रपटाची तिचे चाहते नेहमीच आतुरतेने वाट पाहात असतात. तिच्या शकुंतला देवी या चित्रपटाची देखील चांगलीच चर्चा आहे. हा चित्रपट अ‍ॅमेझॉन प्राईमच्या माध्यमातून प्रेक्षकांच्या भेटीस येणार आहे.

जान्हवी कपूरचा गुंजन सक्सेनाः द कारगिल गर्ल हा वेगळ्या धाटणीचा चित्रपट देखील ओटीटीवर प्रदर्शित होणार असल्याची चर्चा रंगली आहे.

मिमी या चित्रपटात क्रीती सॅननचा एक वेगळा अंदाज प्रेक्षकांना पाहायला मिळणार आहे. हा चित्रपट हॉटस्टारच्या माध्यमातूनच प्रेक्षकांच्या भेटीस येणार आहे.

इशान खट्टर आणि अनन्या पांडे यांचा खाली पीली देखील चित्रपटगृहात नव्हे तर नेटफ्लिक्सवर प्रदर्शित होणार आहे.

राधिक मदन, डायना पेंटी, सनी कौशल आणि मोहित रैना यांची मुख्य भूमिका असलेला शिद्दत देखील ओटीटीच्या माध्यमातून प्रेक्षकांना पाहायला मिळणार असल्याचे म्हटले जात आहे.