'ठरलं तर मग' मालिकेसाठी जुई गडकरीला मिळतात किती पैसे?, अभिनेत्री म्हणाली...

Jui Gadkari : जुई गडकरी हिने नुकतेच सोशल मीडियावर 'आस्क मी एनिथिंग' सत्र घेतले. त्यात एका चाहत्याने थेट तिला तिचा पगारच विचारला आणि अभिनेत्रीनेही त्यावर त्याला उत्तर दिले.

स्टार प्रवाह वाहिनीवरील लोकप्रिय मालिका 'ठरलं तर मग'ने कमी कालावधीत रसिकांच्या मनात घर केले आहे. या मालिकेच्या कथानकातील ट्विस्टमुळे रसिकांना खिळवून ठेवले आहे.

यातील सायली आणि अर्जुनची केमिस्ट्री चाहत्यांना खूप भावते. यात अर्जुनची भूमिका अभिनेता अमित भानुशालीने तर सायलीची भूमिका अभिनेत्री जुई गडकरी हिने साकारली आहे.

या मालिकेतून जुईला चांगलीच लोकप्रियता मिळाली आहे. तिच्याबद्दल जाणून घेण्यासाठी चाहते उत्सुक असतात. दरम्यान नुकतेच सोशल मीडियावर आस्क मी एनिथिंग सत्र घेतले. त्यात एका चाहत्याने थेट तिला तिचा पगारच विचारला आणि अभिनेत्रीनेही त्यावर त्याला उत्तर दिले.

जुई गडकरी हिने घेतलेल्या आस्क मी एनिथिंग सेशनमध्ये चाहत्याने तिला तू किती तास काम करतेस असा प्रश्न विचारला. त्यावर उत्तर देताना जुई म्हणाली, 'मी दिवसाचे १३ तास काम करते आणि तो तेवढा वेळ सोडून मी दोन ते अडीच तास प्रवास करते. माझा एवढा वेळ तर प्रवास आणि कामात जातो.'

त्यानंतर एका चाहत्याने तर थेट तिला तुला पगार किती आहे असे विचारले. त्यावर जुई म्हणाली की, 'महिन्याचा खर्च निघून जातो आणि माग थोडेफार हातात उरतात एवढा पगार आहे मला.'

यासोबतच चाहत्यांनी तिला तिची आवडती पुस्तकं देखील विचारली. त्यावर पुस्तकांची नावं सांगत जुईने लिहिलं, 'पंखा', 'जन्मठेप', रत्नाकर मतकरींची सगळी पुस्तकं असं तिने सांगितलं आहे.

जुई सोशल मीडियावर कायम सक्रीय असते. अनेकदा ती तिचे फोटो, व्हिडीओ चाहत्यांसोबत शेअर करत असते.

जुईने याआधी तिने "श्रीमंत पेशवा बाजीराव मस्तानी', 'माझिया प्रियाला प्रीत कळेना', 'तुजविण सख्या रे…' आणि 'पुढचं पाऊल यात झळकली आहे. शिवाय 'बिग बॉस मराठी' या बहुचर्चित कार्यक्रमामध्ये सहभागी झाली होती.