Ira-Nupur Wedding : आयरा खान आणि नुपूर शिखरेनं बांधली लग्नगाठ, फोटो आले समोर

Ira-Nupur Wedding : अभिनेता आमिर खानची लेक आयरा खान लग्नबंधनात अडकली आहे. आयराने बॉयफ्रेंड नुपुर शिखरेशी कोर्ट मॅरेज पद्धतीने विवाह केला.

आमिर खान(Aamir Khan)ची लाडकी लेक आयरा खान (Ira Khan) हिने तिचा बॉयफ्रेंड नुपूर शिखरे(Nupur Shikhare)सोबत आज लग्नगाठ बांधली आहे. कुटुंबातील सदस्य आणि मित्र मंडळींच्या उपस्थितीत त्यांनी कोर्ट मॅरिज केले आहे.

त्यांच्या कोर्ट मॅरेजची पहिली झलक समोर आली आहे. सोशल मीडियावर व्हायरल होत असलेल्या एका व्हिडिओमध्ये हे जोडपे त्यांच्या लग्नाची नोंदणी करताना पाहायला मिळाले.

आयरा आणि नुपूरने कोर्ट मॅरिज करत लग्नगाठ बांधली आहे. यावेळी आयरा आणि नुपूरसोबत खान आणि शिखरे कुटूंबातील सदस्य उपस्थित होते. तसेच आमिर खानच्या लेकीच्या लग्नाला मुकेश अंबानी आणि नीता अंबानी हे दोघेही खास पाहुणे म्हणून उपस्थित होते.

यावेळी आयरा नववधूच्या रुपात खूपच सुंदर दिसत होती. आयराने ग्रीन रंगाचा ब्लाउज आणि व्हाइट रंगाची धोती पॅण्ट आणि त्यावर हिरव्या रंगाची ओढणी घेतली होती.

मात्र कोर्ट मॅरिजवेळी नुपुरच्या लूकने सर्वांचे लक्ष वेधले. नुपुरेने हाफ पँट आणि टी-शर्ट मध्ये आयरासोबत लग्न केले. त्यानंतर त्याने आयराला मॅचिंग हिरव्या रंगाची शेरवानी घातली.

त्यांच्या लग्नाचे फोटो सध्या सोशल मीडियावर व्हायरल होताना दिसत आहेत. नेटकरी त्यांच्यावर शुभेच्छांचा वर्षाव करताना दिसत आहेत.

आयराने आणि नुपूर गेल्या काही वर्षांपासून एकमेकांना डेट करत होते. नुपूर हा एक फिटनेस ट्रेनर आहे. बॉलिवूडमधील अनेक मोठ्या सेलिब्रिटींचा तो फिटनेस ट्रेनर होता.

मे महिन्यात आयरा आणि नुपूरचा साखरपुडा पार पडला होता. आता लग्नबंधनात अडकून त्यांनी नव्या आयुष्याला सुरुवात केली आहे.