आता उरल्या फक्त स्मृती... इरफान खानचे हे फोटो तुम्ही कधीच पाहिले नसतील

इरफान जगातून गेला़ पण चाहत्यांच्या मनात तो कायम जिवंत असेल. या दुर्मिळ फोटोंतून, आपल्या चित्रपटांतून तो जिवंत राहील.

आपल्या दमदार अभिनयाने आणि आवाजाने प्रेक्षकांचे मनोरंजन करणारा अभिनेता इरफान खान आता या जगात नाही. लाखो चाहत्यांना मागे सोडून इरफानने अचानक जगातून एक्झिट घेत, सगळ्यांना धक्का दिला.

गेल्या दोन महिन्यांपासून इरफानची प्रकृती जरा जास्तच बिघडली होती. काल त्याला रूग्णालयात दाखल करण्यात आले आणि इथेच उपचारादरम्यान इरफानने अखेरचा श्वास घेतला.

टीव्हीवरचे इरफानचे करिअर जोरात असताना मीरा नायरची नजर त्याच्यावर पडली. मीरा नायरने ‘सलमा बॉम्बे’ या सिनेमाची आॅफर त्याला दिली. हा इरफानचा पहिला बॉलिवूड सिनेमा होता.

बालपणाचे त्याचे फोटोही पाहण्यासारखे आहेत.

कुटुंबासोबतचा हा इरफानचा फोटो.

रेडिओ त्याचा जीव की प्राण होता. या फोटोत इरफानने रेडिओसोबत पोज दिली आहे.

इरफानला लहानपणापासूनच सिनेमाचे वेड होते. त्याचे हे फोटो पाहिल्यानंतर तुम्हालाही कळेल. या फोटोत इरफानने शोले सिनेमातील जय-वीरूचा सीन रिक्रिएट केला होता.

इरफानला खरे तर क्रिकेटर बनायचे होते़ पण नंतर तो अभिनेता बनला.

इरफान सिनेजगताचा हिरो होता. पण करिअरच्या सुरुवातीला टीव्हीचा पडदाही त्याने गाजवला होता.

बॉलिवूडआधी इरफान छोट्या पडद्याचा सुपरस्टार होता.

इरफानच्या अ‍ॅक्टिंग करिअरची सुरवात झाली तीच मुळी टीव्हीवरून. ‘श्रीकांत’ ही त्याची पहिली मालिका होती.

भारत एक खोज, कहकशां, सारा जहां हमारा, बनेगी अपनी बात, चाणक्य, अंगूरी, स्पर्श आणि चंद्रकांता अशा अनेक गाजलेल्या व लोकप्रिय मालिकांमध्ये त्याने काम केले.