PHOTOS : माझी तुझी रेशीमगाठ...! यश आणि नेहाचं रोमॅन्टिक फोटोशूट पाहिलंत का?

Majhi Tujhi Reshmigath : यश आणि नेहाचे सुंदर रोमॅंटिक क्षण... प्रार्थना बेहेरने रोमँटिक फोटोशूटचे फोटो शेअर केले आहेत.

‘माझी तुझी रेशीमगाठ’ हा छोट्या पडद्यावरची लोकप्रिय मालिका. सध्या मालिकेत रोमॅन्टिक ट्रॅक पाहायला मिळतोय आणि या निमित्ताने नेहा आणि यश यांचे रोमॅन्टिक फोटो सोशल मीडियावर व्हायरल होत आहेत.

यश अर्थात श्रेयस तळपदे आणि नेहा अर्थात प्रार्थना बेहरे यांनी या मालिकेच्या निमित्ताने एक रोमॅन्टिक फोटोशूट केलं. त्याचे फोटो प्रार्थनाने सोशल मीडियावर शेअर केले आहेत.

यश नेहाला डिनरडेटवर घेऊन गेला आणि तिला रोमॅन्टिक अंदाजात प्रपोज केलं. यावेळी दोघांचाही रोमॅन्टिक सीन पाहून प्रेक्षक हुरळून गेलेत.

शाहरूखच्या ‘ओम शांती ओम’ या सिनेमातील एक रोमॅन्टिक सीन मालिकेत रिक्रएट करण्यात आला.

श्रेयस तळपदे आणि प्रार्थना बेहरे या मालिकेत भूमिकेत आहेत. शिवाय परीची भूमिका साकारणारी मायरा वायकुळ हिने तिच्या निरागस अभिनयाने प्रेक्षकांची मनं जिंकली आहेत.

मालिकेतील यश आणि नेहाची केमिस्ट्री प्रेक्षकांना चांगलीच भावली आहे.यश आणि नेहा दोघेही एकमेकांच्या प्रेमात पडले आहेत.

काही दिवसांपूर्वीच नेहाने यशवरील प्रेमाची कबुली दिली आहे. त्यामुळे सध्या या मालिकेत यश आणि नेहाच्या नात्यात प्रेमाचा बहर येत असल्याचे दिसत आहे.

फोटोशूटमध्ये नेहा व यशचा ही रोमॅन्टिक केमिस्ट्री दिसत आहेत. या फोटोशूटवर चाहत्यांनीही लाईक्स आणि कमेंट्सचा वर्षाव केला आहे.

नेहा आणि यश हे दोघेही या नव्या लूकमध्ये फारच सुंदर दिसत आहे. चाहत्यांनी या जोडीला ‘Neyash’ असं नावही दिलं आहे.