IPL : मुंबई इंडियन्सच्या क्रिकेटर्सला फिटनेसचे धडे देतो प्रसिद्ध मराठी अभिनेत्रीचा नवरा, तुम्ही ओळखलं का?

मराठी अभिनेत्रीचा नवरा क्रिकेटविश्वात कमावतोय नाव, मुंबई इंडियन्सशी आहे खास नातं

सध्या सगळीकडे आयपीएलचा फिव्हर आहे. पण, यंदाच्या सीझनमध्ये मुंबई इंडियन्सला सातत्याने पराभवाला सामोरं जावं लागत आहे.

या मुंबई इंडियन्सच्या टीममध्ये प्रसिद्ध अभिनेत्रीचा नवरादेखील आहे. पण अभिनेत्रीचा नवरा हा खेळाडू नसून फिटनेस कोच आहे.

हा दुसरा तिसरा कोणी नसून लोकप्रिय अभिनेत्री काजल काटे हिचा नवरा आहे. त्याचं नाव प्रतिक कदम असं आहे.

प्रतिक मुंबई इंडियन्सच्या खेळाडूंना फिटनसचे धडे देतो. त्याने अनेक फोटोही त्याच्या सोशल मीडियावरुन शेअर केले आहेत.

प्रतिक आणि काजलची भेट एका मेट्रोमोनियल साइटवर झाली होती. त्यानंतर ते एकमेकांना भेटले आणि लग्न करण्याचा निर्णय घेतला.

प्रतिक आणि काजलचं लग्न झालं आणि लग्नानंतर लगेचच त्याला मुंबई इंडियन्सकडून ऑफर आली.

दरम्यान, काजलने अनेक मालिकांमध्ये काम केलं आहे. 'माझी तुझी रेशीमगाठ'मुळे ती प्रसिद्धीझोतात आली होती.