एव्हरग्रीन ब्युटी! ऐश्वर्या नारकरांच्या ब्लॅक अ‍ॅण्ड व्हाईट फोटोंवर चाहते फिदा, एक म्हणाला...

Aishwarya Narkar Photos : मराठी कलाविश्वातील ‘एव्हरग्रीन ब्युटी’ म्हणजेच अभिनेत्री ऐश्वर्या नारकर सध्या त्यांच्या फोटोंमुळे विशेष चर्चेत आल्या आहेत.

नाटक, मालिका, चित्रपट अशा अनेक माध्यमातून प्रेक्षकांसमोर आलेली अभिनेत्री म्हणजे ऐश्वर्या नारकर. ऐश्वर्या नारकर 51 वर्षांच्या. पण सौंदर्य तरूणींनाही लाजवेल असं.

सोशल मीडियावर सक्रिय असणा-या ऐश्वर्या स्वत:चे फोटो चाहत्यांसोबत शेअर करत असतात. सध्या त्यांनी साडीतील काही ब्लॅक अ‍ॅण्ड व्हाईट फोटो शेअर केले आहेत.

चाहतेही या फोटोंच्या प्रेमात पडले आहेत. ५१ वर्षीय ऐश्वर्या यांचा हा ग्लॅमरस अंदाज पाहून ‘वय हा केवळ आकडा आहे’ अशा कमेंट्स चाहत्यांनी केल्या आहेत.

जीव घ्या लुक्सने लोकांना... अशी कमेंट एका चाहत्याने केली आहे. अनेकांनी सुंदर, अप्रतिम अशा कमेंट्स करत ऐश्वर्यांच्या या फोटोवर कौतुकाचा वर्षाव केला आहे.

साडीमध्ये ऐश्वर्या कमालीच्या सुंदर दिसतात. पण वेस्टर्न लुकमधील त्यांचे फोटोही लक्ष वेधून घेतात.

ऐश्वर्या मराठी कलाविश्वातील लोकप्रिय अभिनेत्री आहे. अपराध, धड़क, अंकगणित या व अशा अनेक चित्रपटांमध्ये त्यांनी काम केलं आहे

श्रीमंता घरची सून, दुहेरी,रेशीमगाठी,सोनपावले, या सुखांनो या,स्वामिनी, ये प्यार ना होगा कम,घर की लक्ष्मी बेटीयाँ अशा असंख्य मालिकांमध्ये त्या झळकल्या आहेत.

ऐश्वर्या नारकर आणि अविनाश नारकर हे मराठी चित्रपटसृष्टीतील प्रेक्षकांचे एक आवडते कपल आहे.

‘स्वामिनी’ मालिकेत ऐश्वर्या नारकर यांनी साकारलेली ‘गोपिकाबाई’ अतिशय गाजली.

अनेक वर्षांपासून नाटक, मालिका आणि सिनेविश्वात आपल्या अभिनयाची छाप पाडणा-या ऐश्वर्या नारकर यांचा खुप मोठा चाहतावर्ग आहे.