कोण आहे 'शिवरायांचा छावा'? संभाजी महाराजांची भूमिका साकारणाऱ्या भूषण पाटीलबद्दल जाणून घ्या

दिग्पाल लांजेकरांच्या 'शिवरायांचा छावा' या सिनेमात अभिनेता भूषण पाटील छत्रपती संभाजी महाराजांची भूमिका साकारताना दिसणार आहे.

दिग्दर्शक दिग्पाल लांजेकरांच्या आगामी 'शिवरायांचा छावा' या सिनेमासाठी प्रेक्षक उत्सुक आहेत. 'पावनखिंड', 'सुभेदार', 'फत्तेशिकस्त' या सिनेमांनंतर आता लांजेकरांच्या या सिनेमाच्या प्रेक्षक प्रतिक्षेत आहेत.

छत्रपती संभाजी महाराजांवर आधारित असलेल्या या सिनेमाच्या ट्रेलर आणि गाण्यांनाही प्रेक्षकांकडून भरभरुन प्रतिसाद मिळत आहे.

दिग्पाल लांजेकरांच्या 'शिवरायांचा छावा' या सिनेमात अभिनेता भूषण पाटील छत्रपती संभाजी महाराजांची भूमिका साकारताना दिसणार आहे.

भूषणने याआधी अनेक मराठी सिनेमांमध्ये महत्त्वाच्या भूमिका साकारल्या आहेत.

'मनमौजी', 'पाहिले मी तुला', 'बर्नी', 'ओळख माय आयडेंनटीटी' या सिनेमांमध्ये तो झळकला आहे. घे डबल या सिनेमात तो दुहेरी भूमिकेत होता.

अभिनेत्याबरोबरच भूषण निर्माता आणि दिग्दर्शकही आहे. 'जाऊ नको दूर बाबा' या मालिकेसाठी त्याने साहाय्यक दिग्दर्शकाची भूमिका बजावली होती.

भूषण त्याच्या फिटनेसकडे विशेष लक्ष देताना दिसतो. तो फिटनेस फ्रिक असल्याचं त्याच्या इन्स्टाग्राम प्रोफाइलवरुन दिसून येतं.

भूषण सोशल मीडियावरही प्रचंड सक्रिय असल्याचं पाहायला मिळतं. नवीन प्रोजेक्टबरोबरच वैयक्तिक आयुष्यातील अपडेटही तो चाहत्यांना देत असतो.

भूषण अनेकदा त्याच्या पत्नीबरोबरोचे फोटो शेअर करत प्रेम व्यक्त करताना दिसतो. त्याला एक मुलगाही आहे.