अधुरी ही प्रेम कहाणी..! मराठी सिनेइंडस्ट्रीतील या कपल्सच्या ब्रेकअपमुळे चाहत्यांना बसला धक्का

नुकतंच अभिनेत्री रेवती लेले आणि अभिनेता आदिश वैद्य यांचे ब्रेकअप झाल्याच्या बातम्या समोर आल्या होत्या. मात्र मराठीत असे आणखीदेखील कलाकार आहेत, ज्यांचे ब्रेकअप झाले आहे.

कलाकार म्हटलं की त्यांचे चाहतेही आले. त्यांच्या चाहत्यांना त्यांच्याबद्दल जाणून घेण्याची खूप उत्सुकता असते. कलाकार देखील त्यांच्या वैयक्तिक आयुष्याबद्दल सोशल मीडियावर मोकळेपणाने बोलत असतात. बऱ्याचदा त्यांच्या रिलेशनशीपच्या देखील चर्चा होताना दिसतात. नुकतंच अभिनेत्री रेवती लेले आणि अभिनेता आदिश वैद्य यांचे ब्रेकअप झाल्याच्या बातम्या समोर आल्या होत्या. मात्र मराठीत असे आणखीदेखील कलाकार आहेत, ज्यांचे ब्रेकअप झाले आहे.

गेल्या सहा वर्षांपासून एकमेकांना डेट करत असलेले रेवती लेले आणि आदिश वैद्य यांचे नुकतेच ब्रेकअप झाले. रेवतीने या वृत्ताला दुजोरा दिला आहे. तिने ई टाइम्सला सांगितले की, मला माझ्या वैयक्तिक आयुष्याबद्दल बोलायचे नाही किंवा चर्चादेखील करायची नाही. काही गोष्टी घडल्या आहेत, मात्र मी माझे वैयक्तिक आयुष्य सार्वजनिक व्यासपीठावर खासगी ठेवण्यास प्राधान्य देते.

अभिनेत्री प्राजक्ता माळीने नुकतेच एका चित्रपटाच्या पत्रकार परिषदेत खुलासा केला होता की तिने चित्रपटाच्या शूटिंगदरम्यान तिच्या पार्टनरने तिच्यासोबत ब्रेकअप केले होते. ती म्हणाली की, मला शूटिंगबद्दल फारसं काही आठवत नाही. माझ्या ब्रेकअपमुळे मी माझ्याच विचारांमध्ये गढून गेले होते. आम्ही चित्रीकरण करत असतानाच ब्रेकअप झालं आणि त्यावेळी माझ्या मनात खूप विचार येत होते. मी माझ्याच जगात होते.

रुपाली भोसलेचे २०२२ मध्ये अंकित मगरेसोबत ब्रेकअप झाले होते. त्यानंतर या जोडीने ब्रेकअप करण्याचा आणि त्यांचे सर्व फोटो सोशल मीडियावरून काढून टाकण्याचा निर्णय घेतला.

बिग बॉस मराठीच्या घरात शिव ठाकरे आणि वीणा जगतापमध्ये प्रेम फुलले. मात्र २०२२ मध्ये ते वेगळे झाले. बिग बॉस १६ च्या घरात असलेल्या शिवने टेलिव्हिजनवर कबूल केले होते की त्याने वीणासोबत ब्रेकअप केले.

सुयश टिळक आणि अक्षया देवधर हे टेलिव्हिजन इंडस्ट्रीतील सर्वात चर्चेत असलेल्या कपल्सपैकी एक होते जे डेटिंग करत होते. या कपलने कधीही त्यांचे रिलेशनशीप अधिकृत केले नाही. मात्र ते दोघे नात्यात असल्याच्या चर्चा होत्या. ते सध्या त्यांच्या आयुष्यात आनंदी आहेत आणि त्यांच्या जोडीदारांसोबत वैवाहिक आनंदाचा आनंद घेत आहेत.

एकेकाळी पल्लवी सुभाष आणि अनिकेत विश्वासराव यांचे अफेयरची खूप चर्चा झाली होती. पण अचानक त्यांच्या नात्यात असे काहीतरी झाले आणि ८ वर्षांचे नाते संपुष्ठात आले