वडिलांच्या पावलावर पाऊल! विजय चव्हाणांचा लेकही आहे प्रसिद्ध अभिनेता; 'या' मालिकेत करतोय काम

Vijay chavan: विजय चव्हाण यांच्याच पावलावर पाऊल ठेवत त्यांच्या लेकानेही मराठी कलाविश्वात पदार्पण केलं आहे.

विजय चव्हाण यांनी त्यांच्या अभिनयाने गेल्या अनेक वर्षांपासून मराठी चित्रपटसृष्टी गाजवली. त्यामुळे आज ते आपल्यात नसले तरीदेखील त्यांच्या अभिनयातून त्यांच्या आठवणी प्रेक्षकांच्या मनात कायम आहेत.

मध्यमवर्गीय कुटुंबात लहानाचे मोठे झालेल्या विजय चव्हाण यांचं दीर्घ आजाराने निधन झालं. त्यांच्या निधनामुळे कलाविश्वात मोठी पोकळी निर्माण झाली.

चित्रपट, नाटकातील त्यांच्या अनेक भूमिकांना प्रेक्षकांनी डोक्यावर घेतले. मोरूची मावशी या नाटकात त्यांनी रंगवलेले स्त्री पात्र प्रेक्षक कधीचं विसरू शकत नाहीत.

विजय चव्हाण यांच्याच पावलावर पाऊल ठेवत त्यांच्या लेकानेही मराठी कलाविश्वात पदार्पण केलं आहे.

विजय चव्हाण यांच्या लेकाने आजवर अनेक मराठी मालिकांमध्ये काम केलं आहे.

वरद चव्हाण असं विजय चव्हाण यांच्या लेकाचं नाव आहे.

वरदने ऑन ड्युटी 24 तास, धनगरवाडा यांसारख्या अनेक चित्रपटात काम केले आहे. तसेच 100 डेज या मालिकेत तो झळकला होता.

सध्या वरद आई मायेचं कवच या मालिकेत काम करत आहे.

वरद आणि विजय चव्हाण या दोन्ही पिता-पुत्राचा वाढदिवस एकाच दिवशी म्हणजे ८ फेब्रुवारीला असतो. त्यामुळे प्रत्येक वाढदिवशी वरद त्याच्या वडिलांच्या आठवणीत भावुक होतो.

वरद सोशल मीडियावर सक्रीय असून अनेकदा तो विजय चव्हाण यांच्या आठवणींना उजाळा देत असतो.