'एकापेक्षा एक' सिनेमातली ही अभिनेत्री आठवतेय का? चित्रपटसृष्टीपासून दूर जात करते हे काम

मराठीतील प्रसिद्ध अभिनेत्री अर्चना जोगळेकरने नव्वदीचे दशक त्यांच्या अभिनयाने आणि सौंदर्याने गाजविले. केवळ मराठीच नव्हे तर अनेक हिंदी-ओडिया चित्रपट आणि मालिकांतही काम केले आहेत.

अर्चना जोगळेकर यांनी आतापर्यंत रंगत संगत, एका पेक्षा एक, अनपेक्षित, निवडुंग यांसारख्या मराठी चित्रपटात तर मर्दानगी, बात है प्यार की, आग से खेलेंगे, स्त्री यांसारख्या हिंदी चित्रपटातही काम केले आहे.

यासोबतच त्यांनी बोगामुल या तामिळ चित्रपटात तर सुना चंदेई या ओडिशा चित्रपटात काम केले आहे.

आपल्या सौंदर्याने आणि अभिनयकौशल्याने अर्चना यांनी प्रेक्षकांच्या मनावर अधिराज्य गाजवले.

लहानपणापासूनच अतिशय चाणाक्ष असलेल्या अर्चना यांनी कथ्थक नृत्यकलेचे धडे त्यांची आई आणि गुरु आशा जोगळेकर यांच्याकडून घेतले.

केवळ अभिनय आणि नृत्यच नव्हे तर अर्चना उच्चशिक्षीतही आहेत आणि त्यांनी वकिलीची डबल डिग्री मिळवली आहे.

अर्चना या सध्या लग्नानंतर परदेशात स्थायिक झाल्या आहेत.

पण त्यांचे नृत्यप्रेमाने त्यांना तिथेही स्वस्थ बसू दिले नाही.

अर्चना यांनी विदेशात म्हणजेच न्यू जर्सी येथे अर्चना नृत्यालय उघडले आहे आणि तिथे अनेक विद्यार्थ्यांना त्या कथ्थक नृत्यप्रकाराचे प्रशिक्षण देतात.

अर्चना यांना सुर श्रृंगार समसाद यांच्याकडून 'श्रृंगार मनी' आणि हिंदी साहित्य परिषद यांच्याकडून 'नृत्य भारती' हा पुरस्कारही मिळाला आहे.