Ved Marathi Movie : रितेश भाऊचीच हवा ! 'वेड' चा धुमाकूळ काही थांबेना, छप्परफाड कमाई करत केला रेकॉर्ड

'वेड'च्या लोकप्रियतेचा परिणाम पाहता या सिनेमाने आता रेकॉर्डब्रेक कामगिरी केली आहे.

महाराष्ट्राची लाडकी जोडी रितेश देशमुख आणि जिनिलियाने अक्षरश: नावाप्रमाणेच सर्वांना वेड लावलं आहे. 'वेड' हा मराठी सिनेमा प्रदर्शित होऊन दहा दिवस झाले तरी याची लोकप्रियता वाढतच चालली आहे.

रितेश जिनिलियाची क्युट जोडी, तुफान प्रमोशन आणि सुंदर गाणी यामुळे वेड प्रेक्षकांना सिनेमागृहात खेचून आणतोय.

या दोघांनी मिळून महाराष्ट्रभर केलेले प्रमोशनही जोरदारच होते त्यामुळे सिनेमा आणखी हिट झाला.मुंबई व्यतिरिक्त कोल्हापूर, तुळजारपूर, लातूर, पुणे अशी अनेक शहरांमध्ये त्यांनी लोकांमध्ये मिसळून 'वेड' चे प्रमोशन केले.

नुकताच चित्रपटाने मराठी सिनेमा जगतात रेकॉर्ड रचला आहे. ८ तारखेला रविवारी 'वेड'ने एका दिवसात तब्बल ५.७० कोटींची कमाई करत रेकॉर्ड केला आहे. एकाच दिवसात इतक्या कोटींचा गल्ला जमवणारा हा पहिला मराठी सिनेमा ठरला आहे.

विकएंड असो किंवा आठवड्याचा पहिला दिवस वेडच्या कमाईच भरच पडत आहे.आतापर्यंत वेड ने एकूण ३५.७७ कोटींचा गल्ला जमवला आहे. मराठी चित्रपटासाठी नक्कीच ही कौतुकास्पद बाबा आहे.

मराठी सिनेसृष्टीच नाही तर अख्ख्या बॉलिवूडने वेड ची दखल घेतली आहे. रितेशचे बॉलिवूडमध्ये वर्चस्व आहेच त्यामुळे त्याला याचा चांगलाच फायदा झाला आहे.

वेड ची लोकप्रियता बघता येत्या काही दिवसात सिनेमा कमाईचे शिखर गाठेल असेच चित्र दिसून येते. वेड या सिनेमातून रितेशने दिग्दर्शनात पदार्पण केले आहे तर जिनिलियाचा हा पहिलाच मराठी चित्रपट आहे.

रितेश-जिनिलियासह‘वेड’ या सिनेमात अशोक सराफ, विद्याधर जोशी, शुभंकर तावडे आणि जिया शंकर हे कलाकारदेखील मुख्य भूमिकेत आहेत. तसेच बॉलिवूडचा भाईजान सलमान खानची झलकदेखील प्रेक्षकांना पाहायला मिळत आहे.