Controversial Movie: दीपिका पादुकोण अन् वाद एकाच नाण्याच्या दोन बाजू! यापूर्वीही तिचे चित्रपट अडकले वादात

दीपिका पादुकोण आणि शाहरूख खान(Shah Rukh Khan)च्या ‘पठान’ (Pathaan ) सिनेमामधील ‘बेशरम रंग’ हे गाणं रिलीज झाल्यापासून वादात सापडलं आहे. ‘बेशरम रंग’ हे गाण्यातील दीपिकाच्या बोल्ड स्टाईलने लोकांचं लक्ष वेधून घेतलं. काहींना दीपिकाचा बोल्ड लुक आवडला. पण काहींनी यावरून दीपिकाला ट्रोल करायला सुरूवात केली. इतकंच नाही तर दीपिकाने घातलेल्या बिकिनीवरूनही राजकारण तापलं. मध्यप्रदेशचे गृहराज्यमंत्री नरोत्तम मिश्रा यांनी ‘बेशरम रंग’ या गाण्यावर तीव्र आक्षेप नोंदवला आहे.

रणवीर सिंग आणि दीपिका पादुकोणच्या 'रामलीला' चित्रपटाचा ट्रेलर रिलीज झाला तेव्हा त्यादरम्यान बराच वाद झाला होते. हा वाद मेरठपासून सुरू झाला होता.

'कॉकटेल' चित्रपटात दीपिका पादुकोणने 'वेरोनिका'ची भूमिका साकारली होती. या चित्रपटादरम्यान अभिनेत्रीच्या ड्रेस आणि क्लीवेज शोवरून बराच वाद झाला होता.

'छपाक'च्या प्रमोशनसाठी दीपिका पादुकोण जवाहरलाल नेहरू युनिव्हर्सिटी (जेएनयू)मध्ये पोहोचली होती यावरून मोठा गदारोळ झाला होता. सोशल मीडियावर 'छपाक'ला तीव्र विरोध झाला होता.

दीपिकाच्या छपाक सिनेमामध्ये अ‍ॅसिड हल्ला करणाऱ्या व्यक्तीचे नाव राजेश शर्मा आहे, तर त्याचं खरं नाव नदीम खान आहे. चित्रपटातील पात्राचे नाव का बदलले यावर बराच गदारोळ झाला होता.

दीपिका पादुकोणच्या पद्मावत या चित्रपटावरून बरेच वाद झाले होते. चित्रपटात काही दृश्य चुकीच्या पद्धतीने दाखवण्यात आल्याचे बोलले गेले होते.

रिपोर्टनुसार पद्मावत चित्रपटाचे शूटिंग जयपूरच्या जयगड किल्ल्यावर सुरू असताना करणी सेनेच्या तरुणांनी संजय लीला भन्साळी यांना कानशीलात लगावली होती. यासोबतच सेटचीही तोडफोड करण्यात आली होती.