IN PICS : तर निक माझा जीव घेईल..., प्रियंका चोप्रा असं का म्हणाली?
By ऑनलाइन लोकमत | Published: November 10, 2021 12:52 PM2021-11-10T12:52:21+5:302021-11-10T12:57:34+5:30
सध्या चर्चा आहे ती Priyanka Chopraच्या एका विधानाची. होय, तर निक माझा जीव घेईन, असं प्रियंका एका ताज्या मुलाखतीत म्हणाली. पण नेमकं का व कशासाठी?
ग्लोबल स्टार प्रियंका चोप्राने 2018 साली अमेरिकन सिंगर निक जोनाससोबत लग्नगाठ बांधली. तेव्हापासून हे कपल सतत या ना त्या कारणाने चर्चेत असतं.
सध्या चर्चा आहे ती प्रियंकांच्या एका विधानाची. होय, तर निक माझा जीव घेईन, असं प्रियंका एका ताज्या मुलाखतीत म्हणाली. पण नेमकं का व कशासाठी?
तर प्रियंकाने नुकतीच ‘व्होग’ या मॅगझिनला मुलाखत दिली. तुला भेट म्हणून मिळालेला सर्वात आवडता दागिना कोणता? असा प्रश्न प्रियंकाला यावेळी करण्यात आला.
माझी साखरपुड्याची अंगठी हा माझा सर्वात आवडता दागिना आहे, असं मी म्हणाले नाही तर निक माझा जीव घेईल, असं गमती गमतीत प्रियंका यावेळी म्हणाली.
माझ्या साखरपुड्याच्या अंगठीशी माझ्या खूप भावना जुळलेल्या आहेत. ही अंगठी माझ्यासाठी अनमोल दागिना आहे. माझा आवडता दागिना आहे, असंही पुढे ती म्हणाली.
प्रियंका व निकचा साखरपुडा झाला होता, तेव्हा या एंगेजमेंट रिंगची बरीच चर्चा झाली होती. या अंगठीची किंमत सुमारे 2 लाख डॉलर होती.
ही महागडी अंगठी खरेदी करण्यासाठी निकने त्याचे एक स्टोअर विकले होते, असे म्हणतात. आता इतकी अनमोल अंगठी प्रियंकासाठी खास असणारच.
वर्कफ्रंटबद्दल सांगायचं तर प्रियंकाकडे सध्या अनेक प्रोजेक्ट आहेत. लवकरच ती द मॅट्रिक्स आणि टेक्स्ट फॉर यू या हॉलिवूड सिनेमात दिसणार आहे. सिटाडेल या वेबसीरिजचे शूटींगही तिने पूर्ण केले आहे.