बालपणापासून आत्तापर्यंत...! कधीही पाहिले नसतील राखी सावंतचे हे फोटो

बालपणापासून आत्तापर्यंतचा प्रवास... मी खूप खूश आहे, असे लिहित राखीने अनेक फोटो शेअर केले आहेत.

राखी सावंत म्हणायला पक्की ‘ड्रामा क्वीन’आहे. पण गेल्या 24 वर्षांपासून ती फिल्म इंडस्ट्रीत घट्ट पाय रोवून उभी आहे. तिने जे काही मिळवलंय ते स्वबळावर मिळवलंय. राखीच्या आयुष्यात अनेक चढऊतार आलेत. पण ती थांबली नाही.

राखी तिच्या आयुष्यात खूश आहे. अलीकडे तिने बालपणापासून तर आत्तापर्यंतचे फोटो शेअर करत, आयुष्याच्या प्रवासाची एक झलक दाखवली.

बालपणापासून आत्तापर्यंतचा प्रवास... मी खूप खूश आहे, असे लिहित राखीने अनेक फोटो शेअर केले आहेत.

आईच्या जवळ अगदी काही महिन्यांची असतानाचा आईच्या जवळ खेळत असतानाचा तिचा फोटो तर फारच क्यूट आहे.

एका फोटोत राखीने गंगावन लावले आहे. फोटोत दिसणारे तिचे लांबसडक केस खोटे असले तरी डोळे मात्र अगदी बोलके आहेत. या फोटोंवर चाहत्यांच्या कमेंट्सचा पाऊस पडतोय.

राखीने 1997 मध्ये रूही सावंत या नावाने डेब्यू केला होता. फार कमी लोकांना ठाऊक असेल पण राखीचे खरे नाव नीरू भेदा आहे. तिचा पहिला सिनेमा होता ‘अग्निचक्र’.

चित्रपटात येण्याआधी राखीने बराच संघर्ष केला. घरच्या गरिबीमुळे अगदी 50 रूपये रोजाने वाढपीचे कामही केले.

10-11 वर्षांची असताना राखीने टीना अंबानीच्या लग्नात वाढपीचे काम केले होते.

मुंबईच्या एका चाळीत राखीचे बालपण गेले. तिच्या घरच्या महिलांना बाल्कनीत उभे राहण्याची परवानगी नव्हती.

राजीव खंडेलवालच्या चॅट शोमध्येही राखीने तिचा स्ट्रगल सांगितला होता. अनेकदा शेजारी उरलेले अन्न फेकून द्यायचे आणि राखी ते उचलून आणून खायची, असे तिने सांगितले होते.

सध्या राखीची आई कॅन्सरशी झुंज देतेय. राखी दिवसरात्र तिची सेवा करतेय.