रश्मिका ते अमृता; कित्येकींनी साकारली महाराणी येसूबाईंची भूमिका, पण प्रेक्षकांच्या मनावर कोरली गेली 'ही' टीव्ही अभिनेत्री

रश्मिकाने महाराणी येसूबाईंच्या भूमिकेला न्याय देण्याचा पूर्ण प्रयत्न केला आहे. अभिनयात तिने कसर सोडलेली नाही. पण, ती प्रेक्षकांच्या मनावर ठसा उमटवू शकलेली नाही.

विकी कौशल मुख्य भूमिकेत असलेल्या छावा सिनेमाची सर्वत्र चर्चा आहे. या सिनेमात विकी कौशलने छत्रपती संभाजी महाराजांची भूमिका साकारली आहे. तर महाराणी येसूबाईंच्या भूमिकेत रश्मिका मंदाना आहे.

रश्मिकाने महाराणी येसूबाईंच्या भूमिकेला न्याय देण्याचा पूर्ण प्रयत्न केला आहे. अभिनयात तिने कसर सोडलेली नाही. पण, ती प्रेक्षकांच्या मनावर ठसा उमटवू शकलेली नाही.

रश्मिकाप्रमाणेच अनेक अभिनेत्री महाराणी येसूबाई भोसले म्हणजे छत्रपती संभाजी महाराजांच्या पत्नीच्या भूमिकेत ऑनस्क्रीन दिसल्या.

अभिनेत्री अमृता खानविलकर हिने 'धर्मरक्षक महावीर छत्रपती संभाजी महाराज' या सिनेमात येसूबाईंची भूमिका साकारली होती.

सरसेनापती हंबीरराव या चित्रपटात अभिनेत्री रेवती लिमये ही महाराणी येसूबाई भोसले यांच्या भूमिकेत होती. या सिनेमात गश्मीर महाजनी संभाजी महाराजांच्या भूमिकेत होता.

शिवरायांचा छावा या सिनेमात अभिनेत्री तृप्ती तोराडमल हिने येसूबाईंची भूमिका साकारली होती. दिग्पाल लांजेकरांनी हा सिनेमा दिग्दर्शित केला होता.

पण, या सगळ्या अभिनेत्रींमध्ये एका टीव्ही अभिनेत्रीने साकारलेली येसूबाईंची भूमिका प्रेक्षकांच्या मनात घर करून गेली.

अभिनेत्री प्राजक्ता गायकवाड हिने स्वराज्यरक्षक संभाजी या मालिकेत महाराणी येसूबाईंची भूमिका साकारली होती. या भूमिकेने तिला प्रसिद्धी मिळवून दिली.

या मालिकेत अभिनेता अमोल कोल्हे छत्रपती संभाजी महाराजांच्या भूमिकेत होता. आजही अमोल कोल्हे आणि प्राजक्ता गायकवाड यांनी साकारलेल्या भूमिका प्रेक्षकांच्या मनात घर करून आहेत.