नागराज मंजुळे दिग्दर्शित 'झुंड' चित्रपटातील रिंकू राजगुरूच्या नॉन ग्लॅमरस लूकला मिळतेय पसंती, पाहा हे फोटो

'सैराट' (Sairat Movie) चित्रपटानंतर रिंकू राजगुरू (Rinku Rajguru) पुन्हा एकदा नागराज मंजुळे (Nagraj Manjule) यांच्या 'झुंड' (Jhund Movie) चित्रपटात काम करताना दिसणार आहे.

सध्या नागराज मंजुळे दिग्दर्शित आणि अमिताभ बच्चन अभिनीत हिंदी चित्रपट झुंडची सर्वत्र चर्चा होताना दिसते आहे.

झुंड चित्रपटाच्या रिलीजची प्रेक्षक उत्सुकतेने वाट पाहत आहेत. या चित्रपटात सैराटनंतर पुन्हा एकदा रिंकू राजगुरू आणि आकाश ठोसर काम करताना दिसणार आहेत.

झुंड चित्रपटातील रिंकू राजगुरूचा लूक ट्रेलरमधून समोर आला होता. त्यानंतर आता तिने इंस्टाग्रामवर या चित्रपटातील फोटो शेअर केले आहेत.

रिंकू राजगुरू हिने हे फोटो शेअर करत नमस्ते मेरा नाम मोनिका है असे कॅप्शन दिले आहे.

या चित्रपटात रिंकू नॉन ग्लॅमरस अंदाजात पाहायला मिळणार आहे.

रिंकू राजगुरूचा झुंड चित्रपटातील नॉन ग्लॅमरस लूक चाहत्यांना भावतो आहे.

तिच्या या फोटोंवर लाइक्स आणि कमेंट्सचा वर्षाव होताना दिसत आहे.

झुंड चित्रपट ४ मार्चला प्रेक्षकांच्या भेटीला येणार आहे.