Sai tamhankar : सई ताम्हणकरने केसांत माळलेला गजरा अन् चाहत्याचा भलताच प्रश्न...!!

Sai tamhankar : मराठमोळी अभिनेत्री सई ताम्हणकरची बातच न्यारी. सईचे फोटो पाहून चाहत्यांना अगदी वेड लागतं...

मराठमोळी अभिनेत्री सई ताम्हणकर हिची बातच न्यारी. सईचे फोटो पाहून चाहत्यांना अगदी वेड लागतं.

सई सोशल मीडियावर प्रचंड सक्रीय आहे. स्वत:चे रोज नवे फोटो ती शेअर करत असते. सध्याही तेच.

होय, सईने नुकतंच एक फोटोशूट केलं. याचे काही फोटो तिने शेअर केले आहेत आणि हे फोटो पाहून चाहते क्रेझी झाले आहेत.

नाकात नथ, हातात हिरवा चुडा, लान किनारीची निळी जांभळी साडी आणि त्याला साजेसा मेकअप असा तिचा लुक आहे. पण केसात माळलेला सुंदर मोगऱ्याच्या फुलांचा गजरा म्हणजे खल्लास करणारं प्रकरण आहे.

होय, सईने केसांत माळलेल्या या गजऱ्याने अनेकांचं लक्ष वेधून घेतलं आहे. या फोटोंवरच्या कमेंट्सही भन्नाट आहेत.

सईच्या केसातील गजरा पाहून एका चाहत्याला भलताच प्रश्न पडला आहे. गजरा मस्त आहे कितीला भेटला, असं त्याने विचारलं.

यार, पाहताच ती बाला कलीजा खलास झाला..., लईच गोड अशी कमेंट अन्य एका चाहत्याने केली. किती गोड दिसताय सईबाई, अशी कमेंटही एका चाहत्याने केली आहे.

सई ताम्हणकर आजची मराठीमधील टॉपची अभिनेत्री म्हणून ओळखली जाते. सईने तिच्या अभिनय कौशल्याच्या जोरावर स्वतःला कलाक्षेत्रामध्ये सिद्ध केलं.