Saie Tamhankar : 'अशा विचित्र पोज कोण द्यायला सांगतं ?' नवीन फोटोशूटमुळे सई पुन्हा ट्रोलर्सच्या निशाण्यावर

अभिनेत्री सई ताम्हणकर अलीकडे तिच्या फोटोशूटमुळे सतत ट्रोलर्सच्या निशाण्यावर असते.

मराठी अभिनेत्री सई ताम्हणकर सध्या वेगळ्याच कारणामुळे जास्त चर्चेत असते. ते म्हणजे तिचे फोटोशूट.

सई अनेकदा विचित्र फॅशन करत ते फोटो सोशल मीडियावर अपलोड करत असते. तिच्या अशा फोटोंमुळे ती ट्रोलच जास्त होते.

महाराष्ट्राचा फेव्हरेट कोण या अवॉर्ड सोहळ्यासाठी सईने हजेरी लावली. या सोहळ्यात तिने केलेली फॅशन लक्षवेधी होती. ब्लॅक रंगाच्या रिव्हीलिंग ड्रेस मध्ये ती आली होती.

या ड्रेसमधील फोटो तिने इन्स्टाग्रामवर पोस्ट केले आहेत. नक्की हा ड्रेस काय आहे आणि त्यातही सईने कशा विचित्र पोज दिल्या आहेत असा प्रश्न चाहत्यांना पडला आहे.

काहींनी फोटोवर तिचे कौतुकही केले आहे. अभिनेती स्वप्नील जोशीने कमाल अशी कमेंट केली आहे. तर काही चाहत्यांनी तिला ब्लॅक लेडी म्हणले आहे.

याआधीही सईने अनेक फोटो सोशल मीडियावर अपलोड केले आहेत. कधी पालीशी तर कधी आणखी कशाशी तिची तुलना करण्यात आली आहे.

सईची केवळ मराठीत नाही तर बॉलिवूडमध्येही हवा आहे. तिचा नुकताच 'इंडिया लॉकडाऊन' हा सिनेमा रिलीज झाला. या सिनेमाला प्रेक्षकांचा उत्तम प्रतिसाद मिळाला.

तसेच तिने क्रिती सेननच्या 'मिमी' या सिनेमात सहाय्यक भूमिका साकारली होती.यासाठी तिला फिल्मफेअर अवॉर्डही मिळाले होते.

सई सध्या तिच्या बॉयफ्रेंडसोबतच्या फोटोंमुळेही चर्चेत असते. अनिश जोगसोबत सई रिलेशनशिपमध्ये असून नुकतेच तिचे न्यू इयर सेलिब्रेशनचे फोटो व्हायरल झाले होते.