Salman Khan : स्वागत नही करोगे हमारा ! नवीन वर्षात भाईजानला बघण्यासाठी चाहते उत्सुक

बॉलिवुडचा दबंग सलमान खानने नुकताच ५७ वा वाढदिवस साजरा केला. नवीन वर्षात सलमान खान आपला जलवा दाखवण्यासाठी सज्ज झाला आहे.२०२१ मध्ये सलमान खानने अंतिम या सिनेमात काम केले.त्यानंतर आता २ वर्षांनंतर भाईजानला मोठ्या पडद्यावर बघण्यासाठी चाहते उत्सुक आहेत. पठाण मध्ये शाहरुखसोबत कॅमिओ आणि 'टायगर ३' मधून चाहत्यांचे स्वागत करायला सलमान सज्ज आहे.

२०२३ हे वर्ष भाईजान सलमानसाठी खास असणार आहे. काही चित्रपटात कॅमिओ रोल करुन सलमान चाहत्यांना सरप्राईज करणार आहे. तर काही ब्लॉकबस्टर चित्रपट देण्यासाठीही भाईजान सज्ज आहे.

शाहरुख खानच्या बहुचर्चित पठाण सिनेमात सलमान खानचा कॅमिओ असणार आहे. शाहरुख-सलमान या खान जोडीला एकत्र बघण्यासाठी चाहते उत्सुक आहेत. सध्या पठाण सिनेमाचा होत असलेला वाद पाहता याचा चित्रपटाला फायदाच होत असल्याचं दिसून येतंय. त्यात सिनेमात सलमान खान थोड्यावेळासाठी का होईना दिसणार म्हणून पठाणची जोरदार चर्चा रंगली आहे. २५ जानेवारी रोजी पठाण रिलीज होत आहे.

मराठमोळा रितेश देशमुख आणि जिनिलिया या क्युट जोडीचा वेड हा मराठी चित्रपट लवकरच येत आहे. रितेश आणि सलमान खानची मैत्री तर सर्वश्रुत आहे. तर आपल्या खास मित्रासाठी वेड सिनेमातही सलमान खानने कॅमिओ रोल केला आहे. याआधीही सलमानने रितेशच्या लई भारी या मराठी सिनेमात कॅमिओ केला होता. सध्या आता वेड सिनेमातील दोघांचं गाणं खूपच गाजतंय. ३० डिसोंबर रोजी वेड प्रदर्शित होत आहे.

२०२३ हे वर्ष भाईजानचं आहे असंच म्हणावं लागेल. यावर्षी सलमान खानचा बहुचर्चित टायगर ३ हा सिनेमाही रिलीज होत आहे. एक था टायगर, टायगर जिंदा है या दोन्ही चित्रपटांना प्रेक्षकांची पसंती मिळाली. आता टायगर ३ ची चाहत्यांना उत्सुकता आहे. सलमान खान आणि कतरिना कैफ यांची जोडी पुन्हा मोठ्या पडद्यावर धुमाकुळ घालणार आहे. टायगर ३ १० नोव्हेंबर २०२३ रोजी रिलीज होत आहे.

अभिनेत्री पूजा हेगडे सोबत सलमान खान पहिल्यांदाच काम करणार आहे. दोघेही किसी का भाई किसी की जान या चित्रपटात दिसणार आहे. २१ एप्रिल ला ईदच्या मुहुर्तावर सिनेमा रिलीज होणार आहे. याआधी सिनेमाचे नाव कभी ईद कभी दिवाली असे होते. ही फिल्म ३० नोव्हेंबर २०२२ रोजीच रिलीज होणार होती. मात्र नंतर काही कारणाने सिनेमाचे टायटल आणि रिलीज डेट बदलण्यात आली. ईदच्या मुहुर्तावर सलमान खानचा सिनेमा बघण्याची चाहत्यांना कायम उत्सुकता असते.

याशिवाय सलमानचे दबंग ३ आणि नो एंट्रीच्या सिक्वलचीही घोषणा करण्यात आली आहे. अद्याप या सिनेमांचे शूट सुरु झालेले नाही.