Sana Khan : "पूर्वीच्या काळी लोकांना १२ मुलं असायची"; सना खानला व्हायचंय ५-१० मुलांची आई

Sana Khan : सनाचा एक व्हिडीओ सध्या सोशल मीडियावर जोरदार व्हायरल झाला आहे, ज्यावर तिला खूप ट्रोल केलं जात आहे.

सना खान आता पती आणि मुलासोबत तिच्या आयुष्यातील प्रत्येक क्षणाचा आनंद घेत आहे. सनाने जून २०२३ मध्ये पहिल्या मुलाला जन्म दिला. आता ती दुसऱ्यांदा आई होणार आहे.

सध्या सना तिच्या प्रेग्नेंसीचा हा टप्पा खूप एन्जॉय करताना दिसत आहे. याच दरम्यान, सनाचा एक व्हिडीओ सध्या सोशल मीडियावर जोरदार व्हायरल झाला आहे, ज्यावर तिला खूप ट्रोल केलं जात आहे.

व्हिडिओमध्ये सना कुटुंब वाढवण्याविषयी बोलताना दिसत होती. सनाने जास्तीत जास्त मुलांची आई होण्याची इच्छा व्यक्त केली.

सना म्हणाली, "मला जास्त मुलं झाली तर मला आनंद होईल. ५ मुलं असो, १० मुलं असो... पूर्वीच्या काळी लोकांना १२-१२ मुलं असायची."

सनाने व्हिडिओमध्ये असंही सांगितलं की, तिचा पती मुफ्ती अनस सईद खूप सपोर्टिव्ह आणि केअरिंग आहे. जेव्हा तिची पहिली डिलिव्हरी होत होती, तेव्हा तिचा पती अनस बेशुद्ध पडला होता.

सनाने पुढे पोस्टपार्टम डिप्रेशनबाबत देखील सांगितलं आहे. ती म्हणाली, "जेव्हा तुम्ही तुमच्या मनाला वारंवार सांगितलं की, मी डिप्रेशनमध्ये आहे, तेव्हा कुठेतरी तुम्हाला तीच गोष्ट सतत जाणवत राहिल."

"तुम्ही त्या गोष्टीतून बाहेर पडा. तुमची स्पिरिच्युअलिटी वाढवा" असा सल्ला देखील सना खानने दिला आहे.

सनाच्या या व्हिडिओवर लोकांच्या वेगवेगळ्या प्रतिक्रिया पाहायला मिळत आहेत. दुसऱ्या मुलाबद्दल काही जण तिचं अभिनंदन करत आहेत, तर काहींनी तिला यावरून ट्रोल केलं आहे.

सना खान सोशल मीडियावर खूप एक्टिव्ह असून ती नेहमीच तिच्या मुलासोबतचे आणि पतीसोबतचे फोटो आणि व्हिडीओ शेअर करत असते.