ओम नम: शिवाय! कपाळी गंध, गळ्यात भगवं उपरणं... अशी आहे साराची 'शिवभक्ती'

बॉलिवूड अभिनेत्री सारा अली खान महादेवाची भक्त आहे हे फार कमी जणांना माहित असेल. ती नेहमीच शंकराच्या मंदिरातील दर्शनाचे फोटो शेअर करत असते.

काल महाशिवरात्रीनिमित्त तिने पोस्ट केलेले फोटो सोशल मीडियावर व्हायरल झाले आहेत. जय भोलेनाथ असं कॅप्शन तिने फोटोंना दिलं आहे.

साराने पिवळ्या रंगाचा ड्रेस परिधान केला आहे. तर जय भीमाशंकर असं लिहिलेलं एक वस्त्रही तिने गळ्यात घातलं आहे. अतिशय मनोभक्तिभावे ती प्रार्थना करताना दिसत आहे.

कपाळावर चंदन लावलेला फोटोही तिने पोस्ट केला आहे. तिच्या हावभावावरुनच कळते की तिची महादेवावर प्रचंड भक्ती आहे.

साराचा बॉलिवूडमधील पहिला सिनेमाही 'केदारनाथ'होता. ती अजुनही अनेकदा दर्शनासाठी केदारनाथला जाते.

याशिवाय इतर ठिकाणचेही तिचे तीर्थस्थळावरील फोटो सोशल मीडियावर दिसतात.साराची महादेवावरील भक्ती पाहून नेटकरीही तिचे कौतुक करत आहेत. हेच भारत देशाचं सौंदर्य आणि खरी ओळख आहे.

साराची आई अमृता सिंग तर वडील सैफ अली खान आहेत. मात्र सारा आणि तिचा भाऊ इब्राहिम अली खान हे आईजवळच लहानाचे मोठे झाले आहेत. साराची लहानपणापासूनच महादेवाप्रती श्रद्धा आहे.