'वेड'मधील सत्या आणि श्रावणीची खऱ्या आयुष्यातील हटके लव्हस्टोरी, पाहा वेडिंग अल्बम

Riteish Deshmukh-Genelia D'souza-Deshmukh : रितेश आणि जिनिलिया देशमुख.तब्बल १० वर्षे एकमेकांना डेट केल्यानंतर २०१२ मध्ये लग्नगाठ बांधली. आज त्यांच्या लग्नाचा वाढदिवस आहे.

बॉलिवूडमधील लोकप्रिय कपलपैकी एक कपल म्हणजे रितेश देशमुख आणि जिनिलिया डिसूझा-देशमुख. सध्या हे जोडपे खूप चर्चेत आहे.

रितेश आणि जिनिलियाचा वेड चित्रपट ३० डिसेंबरला रिलीज झाला आहे. या चित्रपटाने बॉक्स ऑफिसवर दमदार कमाई केली आहे. वेड चित्रपटाने बॉक्स ऑफिसवर जगभरात ७० कोटींचा टप्पा पार पडला आहे.

वेड चित्रपटातून जिनिलियाने मराठी चित्रपटसृष्टीत पदार्पण केले. रितेश व जिनिलियाची जोडी तब्बल २० वर्षांनी रुपेरी पडद्यावर पुन्हा पाहायला मिळाली.

रितेश आणि जिनिलियाने तुझे मेरी कसम या चित्रपटात एकत्र काम केले आणि तिथूनच त्यांच्या प्रेम कहाणीची सुरुवात झाली होती. मात्र जिनिलियाचे रितेशला भेटल्यावर त्याच्याबद्दलचे मत चांगले नव्हते.

२००३ मध्ये ‘तुझे मेरी कसम’ या चित्रपटात या रितेश आणि जिनिलियाने पहिल्यांदाच एकत्र स्क्रीन शेअर केली होती. विशेष म्हणजे या चित्रपटाच्या निमित्ताने ते पहिल्यांदाच हैदराबाद विमानतळावर भेटले. मात्र त्यावेळी रितेशबद्दल जिनिलियाचे मत चांगले नव्हते.

कारण, तो महाराष्ट्राच्या मुख्यमंत्र्यांचा मुलगा होता. त्यामुळे गर्विष्ठ असेल, असे जिनिलियाला वाटले होते. त्यामुळे पहिल्या भेटीतच जिनिलियाने रितेशकडे दुर्लक्ष केले होते आणि रितेशला तिचे हे वागणे पटले नव्हते.

त्यावेळी जिनिलीया होती १६ वर्षांची तर, रितेश २४ वर्षांचा. रितेशने मैत्रीचा हात पुढे केल्यानंतर जिनिलियाने त्याच्याशी हात मिळविला. मात्र तिचे लक्ष इकडे-तिकडेच होते. खरंतर जिनिलियाचे हे वागणे रितेशला काही पटले नव्हते. मात्र चित्रपटात काम करता करता ते एकमेकांना समजू लागले.

रितेश-जेनेलियाची चांगली मैत्री झाली. चित्रपटाच्या निमित्ताने भेटलेल्या या जोडीच्या मैत्रीचे रुपांतर प्रेमात कधी झाले हे त्यांना समजले नाही. चित्रपटाचे शूटिंग संपल्यानंतर रितेश ज्यावेळी घरी परत आला तेव्हा त्याला सतत जिनिलियाची आठवण येत होती. मात्र एखाद्या मुलीला लगेच फोन करणे योग्य वाटत नसल्यामुळे तो तिला फोन करायचे टाळत होता.

दुसरीकडे जिनिलियालादेखील रितेशची आठवण येत होती. मात्र हेच प्रेम आहे याची जाणीव त्यांना त्यावेळी झाली नव्हती. तुझे मेरी कसमनंतर या दोघांनी मस्ती या चित्रपटात पुन्हा एकत्र काम केले. त्यानंतर त्यांचे नाते अधिक फुललं

तब्बल १० वर्षे एकमेकांना डेट केल्यानंतर त्यांनी २०१२ मध्ये लग्नगाठ बांधली.

रितेश आणि जिनिलियाला रियान आणि राहील नावाची दोन मुलं आहेत.