Taarak mehta ka ooltah chashmah: 'तारक मेहता...' शोचे कलाकार नेमकं किती कमावतात माहित्येय का? जेठालालचं मानधन ऐकून बसेल धक्का! जाणून घ्या...

Taarak mehta ka ooltah chashmah: तब्बल १५ वर्षांहून अधिक काळ प्रेक्षकांच्या मनावर अधिराज्य गाजवणाऱ्या 'तारक मेहता का उल्टा चष्मा' मालिकेतील लोकप्रिय पात्र साकारणाऱ्या कलाकारांच्या मानधनाबाबत पहिल्यांदाच माहिती समोर आली आहे.

'तारक मेहता का उल्टा चष्मा' शोला आता १५ वर्षांहून अधिक वर्षे पूर्ण झाली आहेत. गेल्या काही वर्षांत शोच्या कलाकारांमध्ये अनेक बदल झाले असले तरी अजूनही अनेक कलाकार या शोमध्ये आहेत. शोचा टीआरपी नेहमीच टॉपवर राहिला आहे. तसचं हा शो देशातील सर्वाधिक पाहिला जाणारा कॉमेडी शो आहे.

टेलिव्हिजनवरील या लोकप्रिय मालिकेतील प्रत्येक पात्र आज फेमस झालं आहे. कलाकारांना त्यांची ओळख या कार्यक्रमाच्या माध्यमातून मिळाली आहे. चला तर जाणून घेऊया प्रेक्षकांच्या या आवडत्या शोचे स्टार्स नेमकी किती कमाई करतात?

दिलीप जोशी उर्फ जेठालाल

तारक मेहता शोमध्ये सर्वाधिक लोकप्रिय झालेल्या जेठालालची भूमिका साकारणारे कलाकाल दिलीप जोशी यांनी अनेक चित्रपटांमध्येही काम केलं आहे. ते सध्या या शोचा सर्वात जुने आणि लोकप्रिय कलाकार आहेत. रिपोर्टनुसार दिलीप जोशी एका एपिसोडसाठी १.५ लाख रुपये मानधन घेतात. जी एका एपिसोडसाठी खूप मोठी रक्कम आहे.

मुनमुन दत्ता

शोमध्ये बबिता भाभीची भूमिका साकारणारी अभिनेत्री मुनमुन दत्ताही खूप लोकप्रिय आहे. बबिता जींच्या स्टाइलने जग वेडं झालं आहे. मुनमुन दत्ता सोशल मीडियावरही खूप सक्रिय आहेत आणि ग्लॅमरस फोटोंद्वारे नेहमीच चर्चेत असतात. मुनमुन दत्ता एका एपिसोडसाठी ३५ ते ५० हजार रुपये मानधन घेते.

शैलेश लोढा

कवी आणि अभिनेते शैलेश लोढा सध्या या शोचा भाग नसले तरी शोसोबतचा त्यांचा प्रवास नक्कीच संस्मरणीय होता. दिलीप जोशी यांच्यानंतर शैलेश लोढा यांनी एका शोसाठी सर्वाधिक फी घेतली. त्यांना प्रति एपिसोड एक लाख रुपये मिळायचे.

मंदार चांदवडकर

तारक मेहता शोमध्ये आत्माराम तुकाराम भिडे यांची भूमिका करणारा प्रसिद्ध मराठी अभिनेता मंदार चांदवडकर प्रत्येक एपिसोडसाठी ८० हजार रुपये मानधन घेतात. त्याची स्वतःची एक वेगळी शैली आहे आणि शोमध्ये त्यांच्यामुळे कॉमेडीच्या अचूनक टायमिंगनं त्यांनी आजवर सर्वांचं लक्ष वेधून घेतलं आहे.

अमित भट्ट

अमित भट्ट हा अतिशय गुणी अभिनेता आहे यात काहीच शंका नाही. या शोमध्ये त्याने त्याच्या वयापेक्षा खूप मोठ्या पात्राची भूमिका साकारली आहे. बापूजींच्या भूमिकेत तो घराघरात पोहोचला आहे. एका शोसाठी ते ७०-८० हजार रुपये घेतात.

श्याम पाठक

तारक मेहतामध्ये पत्रकार पोपटलालची भूमिका साकारणाऱ्या श्याम पाठकबद्दल बोलायचं झालं तर रिपोर्ट्सनुसार ते एका एपिसोडसाठी ६० हजार रुपये मानधन घेतात. श्याम हे प्रतिभावान रंगमंचावरचे कलाकार आहेत. त्यांनी हॉलीवूड चित्रपटातही काम केलं आहे.

तनुज महाशब्दे

शोमध्ये साऊथ इंडियन अय्यरची हटके भूमिका साकारणारा अभिनेता तनुजही या मालिकेशी सुरुवातीपासूनच जोडला गेलेला आहे. एका दाक्षिणात्य व्यक्तीचं हुबेहुब दर्शन त्यानं शोच्या माध्यमातून आपल्या विनोद शैलींनं उत्तम वठवलं. शोमध्ये तो बबिताचा नवरा असून तो एका वैज्ञानिक दाखवला आहे. एका एपिसोडसाठी तो ६० हजार रुपये मानधन घेतो.

राज अनाडकट

तारक मेहता मालिकेत सध्या टप्पूची भूमिका राज अनाडकट करत आहे. तो प्रत्येक एपिसोडसाठी १० ते १५ हजार रुपये मानधन घेतो.