'अप्पी आमची कलेक्टर' मालिकेतील अभिनेत्याची पत्नी आहे प्रसिद्ध मॉडेल, दिसते लयभारी!

‘अप्पी आमची कलेक्टर’ मालिकेत अर्जुनच्या प्रमुख भूमिकेत अभिनेता रोहित परशुराम पाहायला मिळतो. फार कमी लोकांना माहित आहे की रोहितची पत्नी प्रसिद्ध मॉडेल आहे.

'अप्पी आमची कलेक्टर' ही श्वेता शिंदे यांची झी वाहिनीवरील मालिका सुरुवातीपासूनच प्रेक्षकांच्या पसंतीस उतरली आहे. मालिकेचं वेगळं कथानक असल्यामुळे मालिकेत पुढे काय घडणार याची उत्सुकता चाहत्यांना कायम लागून असते.

‘अप्पी आमची कलेक्टर’ मालिकेत अर्जुनच्या प्रमुख भूमिकेत अभिनेता रोहित परशुराम पाहायला मिळतो. फार कमी लोकांना माहित आहे की रोहितची पत्नी प्रसिद्ध मॉडेल आहे.

रोहित परशुराम याने अनेक मालिकांमधून छोट्या मोठ्या भूमिका साकारल्या आहेत. मिथुन या चित्रपटातून तो नकारात्मक भूमिकेत दिसला होता.

राम सिया के लवकुश, देवी आदि पराशक्ती या हिंदी मालिका तसेच फुलाला सुगंध मातीचा, ज्ञानेश्वर माऊली, क्रिमीनल्स , रघु ३०५, आरं बा अशा मालिका आणि चित्रपटातून तो प्रेक्षकांच्या भेटीला आला आहे.

रोहित हा मूळचा भोर गावचा. शरीरसौष्ठव म्हणून राष्ट्रीय पातळीवर त्यांनी चांगली कामगिरी केली आहे. विक्रम गोखले यांच्याकडे त्याने अभिनयाचे धडे गिरवले होते. नाटकातून काम करत असताना त्याला एका मित्राने विरोधी भूमिकेसाठी ऑडिशन देण्यासाठी सुचवले. पण वजन जास्त असल्यामुळे तो या भूमिकेसाठी सूट होत नव्हता.

अभिनयाची जिद्द मनाशी कायम धरत त्याने आपलं १६ किलो वजन काही दिवसातच कमी करून दाखवले. त्यानंतर मिथुन चित्रपटातून त्याने मोठ्या पडद्यावर पदार्पण केले. वेगवेगळ्या मालिकेतून रोहित छोट्या मोठया भूमिका साकारू लागला. अभिनेता रोहित परशुरामची पत्नी देखील प्रसिद्ध मॉडेल आहे.

अभिनेता रोहित परशुराम ह्याच्या पत्नीचं नाव पूजा लक्ष्मण आव्हाड असं आहे. एक मॉडेल म्हणून ती सर्व परिचित आहे.

पूजा मूळची नाशिकची असून तिने पुण्यात शिक्षण घेतले आहे. सुरुवातीपासूनच तिला मॉडेलिंगची भारी आवड होती आणि यातच करिअर करायचे तिने ठरवले. अनेक स्पर्धेत तिने भाग घेऊन काही पारितोषिके देखील जिंकली आहेत. २०१८ च्या mrs. india worldwild च्या फायनल फेरीपर्यंत देखील मजल मारली होती.