PICS: ज्योतिबाच्या नावानं चांगभलं...! बिग बॉस विजेता विशालनं विकाससोबत घेतलं जोतिबाचे दर्शन

Bigg Boss Marathi 3 : ‘बिग बॉस मराठी3’च्या घरात विशाल निकम व विकास पाटील यांची घट्ट मैत्री झाली. सीझन संपला. विशाल बिग बॉस मराठी 3 चा विजेता ठरला. पण मैत्रीचा प्रवास असाच निरंतर सुरू राहणार आहे.

‘बिग बॉस मराठी3’च्या घरात विशाल निकम व विकास पाटील यांची घट्ट मैत्री झाली. सीझन संपला. विशाल बिग बॉस मराठी 3 चा विजेता ठरला. पण मैत्रीचा प्रवास असाच निरंतर सुरू राहणार आहे.

होय, ही दोस्ती तुटायची नाय, असं म्हणत विशालने विकाससोबतचे फोटो शेअर केले आहेत.

विशाल व विकासने नुकतंच महाराष्ट्राचे लोकदैवत म्हणून प्रसिद्ध असलेल्या जोतिबाचे आणि कोल्हापूरच्या अंबाबाईचे दर्शन घेतलं, त्याचे फोटो त्याने शेअर केले आहेत.

बिग बॉसमध्ये बोललो होतो भावा ही जर्नी सुरू झालीय आणि ही कधीच संपणार नाही. बिग बॉसच्या बाहेरचा प्रवास अंबाबाई आणि ज्योतिबाच्या दर्शनाने सुरू केलाय, चांगभलं, असं कॅप्शन देत विशालने हे फोटो शेअर केले आहेत.

कोल्हापूरमधील जोतिबाच्या मंदिरात विशाल व विकासने दोघांनी गुलालही उधळला. तूर्तास हे फोटो तुफान व्हायरल होत आहेत.

विशाल निकम आणि विकास पाटील हे दोघेही बिग बॉसच्या घरात चांगले मित्र बनले होते. जय व वीरूची जोडी म्हणून ही जोडी प्रसिद्ध झाली होती.

टास्क दरम्यान काही वेळा विकास व विशाल एकमेकांच्या विरोधात उभे झालेत. यादरम्यान दोघांत मतभेद, भांडणंही झालीत. पण बिग बॉस संपला आणि त्याचसोबत मतभेदही सरले. उरली ती केवळ मैत्री.