ओ तेरी, He Said Yes...!! उर्फी जावेद अडकणार लग्न बंधनात? फोटो शेअर करताच चर्चा जोरात

Urfi Javed: होय, उर्फी तोकडे कपडे घालून मिरवते आणि कामापेक्षा तिच्या या बोल्ड, अतरंगी कपड्यांचीच चर्चा होते. आता मात्र उर्फी वेगळ्याच कारणानं चर्चेत आली आहे.

मेरी जावेद आणि बेपनाह अशा मालिकेत काम करणारी, ‘बिग बॉस ओटीटी’मध्ये स्पर्धक म्हणून सहभागी झालेली उर्फी जावेद (Urfi Javed) चर्चेत असते ती तिच्या तोकड्या, अतरंगी कपड्यांमुळे.

होय, उर्फी तोकडे कपडे घालून मिरवते आणि तिच्या कामापेक्षा तिच्या या बोल्ड, अतरंगी कपड्यांचीच चर्चा होते. यावरून ती सतत ट्रोल होते. पण ट्रोलर्स पर्वा करेल ती उर्फी कुठली? कपड्यांवरून ट्रोल करणाऱ्यांना उर्फी सणसणीत उत्तर देते.

आता मात्र उर्फी वेगळ्याच कारणानं चर्चेत आली आहे. होय, कदाचित उर्फीला तिचा स्वप्नातील राजकुमार मिळाला आहे.

उर्फीने तिच्या इन्स्टाग्राम अकाऊंटवर एक पोस्ट शेअर केली आणि ती रिलेशनशिपमध्ये असल्याची चर्चा सुरू झाली. सोशल मीडियावर मग त्याचीच चर्चा रंगली.

उर्फीने इन्स्टा स्टोरीवर एका पुष्पगुच्छाचा फोटो शेअर करत, त्याने हो म्हटलंय, असं त्यावर लिहिलंय. तिच्या या इन्स्टा स्टोरीनंतर उर्फीला तिचा राजकुमार मिळाल्याचा अंदाज नेटिजन्सनी लावला.

अर्थात तो कोण आहे, कुठला आहे, याबद्दल उर्फी काहीही बोललेली नाही. नेटकरी मात्र यावरून तिची मजा घेताना दिसत आहेत. अनेकांनी तिचं अभिनंदन केलं आहे.

अनेक नेटिजन्सनी तिला शुभेच्छा दिल्या आहेत तर काहींनी तो नशीबवान कोण, असा सवाल केला आहे. अर्थात काही ट्रोल करणारेही आहेत.

‘बिग बॉस ओटीटी’ आधी उर्फी जावेद हे नाव फार कोणी ओळखत नव्हतं. म्हणायला या शोमध्ये उर्फी फक्त आठवडाभर राहिली. पण तिथून कदाचित सतत चर्चेत राहण्याचं कौशल्य पूरेपूर शिकून आली.

गतवर्षी उर्फी Most Searched Asian 2022 यादीत आली. ना मालिका, ना मोठे शो, ना चित्रपट... काहीही नसताना उर्फीने केवळ अतरंगी फॅशनच्या जोरावर जगभरातील सर्वाधिक शोधल्या गेलेल्या व्यक्तीच्या यादीत स्थान मिळवलं.