'देवयानी'फेम 'या' प्रसिद्ध मराठी अभिनेत्याची लेक आहे बॉडीबिल्डर; तिच्या फिटनेसचे Photos पाहून व्हाल थक्क

Nagesh bhosale: नागेश भोसले यांची लेक एक प्रसिद्ध बॉडी बिल्डर आहे. कुहू भोसले असं त्यांच्या लेकीचं नाव आहे.

'देवयानी' या मालिकेत सर्जेराव विखे-पाटील ही भूमिका साकारुन घराघरात पोहोचलेला अभिनेता म्हणजे नागेश भोसले. चंदेरी दुनियेत नागेश भोसले यांनी खलनायकाची भूमिका साकारुन आपलं स्वतंत्र हक्काचं स्थान निर्माण केलं.

अनेक मालिकांसोबत नागेश यांनी 'चिंटू २', 'प्यार वाली लव्ह स्टोरी', 'दुनियादारी', 'धग', 'गावठी', 'योद्धा', 'गल्लीत गोंधळ दिल्लीत मुजरा'​ अशा अनेक मराठी चित्रपटांमध्ये काम करत आपल्या अभिनयाचा डंका वाजवला.

मराठीसह नागेश भोसले यांनी 'शूल', 'सरकार', 'क्यूँ की', 'डी', 'आखरी डिसीजन', 'दम', 'बर्दाश्त' यांसारख्या हिंदी चित्रपटांमध्येही काम केलं आहे. परंतु, नागेश भोसले यांच्या प्रोफेशनल लाइफविषयी जरी सगळ्यांना ठावूक असलं. तरीदेखील त्यांच्या पर्सनल लाइफविषयी फार मोजक्या जणांना माहित आहे.

नागेश भोसले यांच्या पत्नीचं नाव जॉ भोसले असं असून त्यादेखील कलाविश्वाशी निगडीत आहेत. एक नाट्य निर्माती म्हणून त्यांची स्वतंत्र ओळख आहे.

अनेकदा सेलिब्रिटींची मुलं त्यांच्या पावलावर पाऊल ठेवत कलाविश्वात पदार्पण करतात. परंतु, नागेश भोसले यांच्या लेकीने वेगळी वाट निवडली.

नागेश भोसले यांची लेक एक प्रसिद्ध बॉडी बिल्डर आहे. कुहू भोसले असं त्यांच्या लेकीचं नाव आहे.

अन्य मुलींप्रमाणे सौंदर्याकडे लक्ष देण्यापेक्षा कुहूने वेगळी वाट निवडली. तिने तिच्या फिटनेसला प्रथम प्राधान्य दिलं.

कुहू भोसले अँथलेट, वुमन्स बॉडिबिल्डिर असून तिने अनेक बॉडी बिल्डिंग स्पर्धेत भागही घेतला आहे.