प्रशस्त मोठा लिव्हिंग एरिया, बार काऊंटर! अलिबागमध्ये आहे प्रार्थना बेहरेचा आलिशान फार्महाऊस; Inside photos

Prarthana behere: मुंबईच्या धकाधकीच्या जीवनापासून प्रार्थनाने आलिबागमध्ये तिचा फार्महाऊस उभा केला आहे.

मराठी कलाविश्वातील लोकप्रिय अभिनेत्री म्हणजे प्रार्थना बेहरे. अल्पावधीत प्रार्थनाने प्रचंड लोकप्रियता मिळवली आहे.

प्रार्थनाने मराठीसह हिंदी मालिकांमध्येही काम केलं आहे. त्यामुळे आज तिचा मोठा चाहतावर्ग असल्याचं पाहायला मिळतो.

माझी तुझी रेशीमगाठ आणि पवित्र रिश्ता या दोन हिंदी,मराठी मालिकांमुळे प्रार्थना घराघरात पोहोचली.

आज मराठीतील टॉप अॅक्ट्रेसमध्ये प्रार्थनाचं नाव आवर्जुन घेतलं जातं. त्यामुळे तिच्याविषयी जाणून घेण्यासाठी चाहते कायम उत्सुक असतात.

अलिकडेच प्रार्थनाने अलिबागमध्ये एक आलिशान असं फार्महाऊस घेतलं आहे. प्रार्थनाने तिच्या युट्यूब चॅनेलच्या माध्यमातून या फार्महाऊसची झलकही चाहत्यांना दाखवली.

प्रार्थनाच्या या फार्महाऊसमध्ये प्रचंड मोठा लिव्हिंग एरिया आहे. यावरुनच तिचं हे घर किती मोठं असेल याचा अंदाज लावता येतो.

फार्महाऊसच्या बाहेर मोठी जागा आहे. येथे प्रार्थनाने मस्त बसण्यासाठीची अरेंजमेंट केली आहे. यात खासकरुन तिने बांबूपासून तयार केलेल्या खुर्ची-टेबलचा वापर केला आहे.

प्रार्थनाच्या या घरात डायनिंग एरियाही मोठा आणि निटनेटका आहे.

या फार्महाऊसवर घोडेदेखील आहेत. त्यामुळे त्यांच्यासाठी सुद्धा राहण्याची उत्तम व्यवस्था करण्यात आलेली आहे.

प्रार्थनाच्या घराची नेमप्लेट विशेष आहे. या नेमप्लेटवर प्रार्थना आणि अभि अशी दोघांची नाव लिहिली आहेत.

या घरात खास पाहुण्यांसाठी बार काऊंटरदेखील करण्यात आलेला आहे.

या घरात छान देव्हारादेखील आहे.