मराठमोळी थोडीशी साधी भोळी! मृणाल दुसानिसचा मनमोहक लूक, शेअर केले खास Photos

६ वर्षांनी मृणाल भारतात आली असून आता ती आगामी एका मालिकेतही दिसणार आहे.

'माझिया प्रियाला प्रीत कळेना' ही 2010 साली आलेली मालिका सगळ्यांनाच आठवत असेल. १४ वर्षांपूर्वी या मालिकेतून मृणाल दुसानिसल(Mrunal Dusanis) आणि अभिजीत खांडकेकर हे दोन्ही कलाकार घराघरात पोहोचले.

मृणाल दुसानिसने तिच्या साधेपणाने सर्वांच्या मनात घर केलं. या मालिकेनंतर ती पुढे काही मालिकांमध्ये दिसली. 'तू तिथे मी','अस्सं सासर सुरेख बाई','हे मन बावरे' यात ती झळकली.

२०१८ साली तिने नीरज मोरेशी लग्नगाठ बांधली आणि ती अमेरिकेला शिफ्ट झाली. 'हे मन बावरे' मालिका सुरु असतानाच तिचं लग्न झालं होतं. 2022 मध्ये तिने मुलीला जन्म दिला.

मृणाल आता ६ वर्षांनी भारतात परत आली आहे. इतकंच नाही तर तिने अभिनय क्षेत्रातही कमबॅक केलं आहे. स्टार प्रवाहवरील आगामी एका मालिकेत ती झळकणार आहे. स्टार प्रवाहच्या गणेशोत्सव कार्यक्रमात ती सहकलाकारांसोबत दिसली.

मृणालने तिच्या पारंपरिक लूकमधले फोटो शेअर केले आहेत. काठापदराची पिवळा ब्लाऊज, हिरवी साडी, साजेसे दागिने, नथ, केसात गजरा अशा लूकमध्ये ती दिसली.

'काहीतरी नवीन' असं कॅप्शन तिने या फोटोंना दिलं आहे. 'अजूनही होती तशीच साधी-सालस दिसते' अशा कमेंट्स मृणालला आल्या आहेत.

मृणालला पुन्हा पडद्यावर पाहण्यास चाहते उत्सुक आहेत. अद्याप मालिकेबद्दल कोणतीही अधिक माहिती समजलेली नाही. मृणाल लवकरच याचा खुलासा करणार आहे.