'नागिन' फेम अभिनेत्री ३६व्या वर्षी अडकली विवाहबंधनात, उत्तराखंडमध्ये बांधली लग्नगाठ

टीव्ही अभिनेत्री सुरभी ज्योती लग्नाच्या बेडीत अडकली आहे. सुरभीने बॉयफ्रेंड सुमित सुरीसह सात फेरे घेत नव्या आयुष्याला सुरुवात केली.

उत्तराखंडमध्ये सुरभी आणि सुमितचा शाही विवाहसोहळा पार पडला. याचे फोटो सुरभीने इन्स्टाग्रामवरुन शेअर केले आहेत.

लग्नासाठी सुरभीने खास लाल रंगाचा डिझायनर लेहेंगा परिधान केला होता. या लेहेंग्यात ती खूपच सुंदर दिसत होती.

तर सुमीत सुरीने पांढऱ्या रंगाची शेरवानी घातली होती. या नवविवाहित कपलने लग्नानंतर फोटोसाठी पोझही दिल्या.

सुरभी आणि सुमीतच्या लग्नातील काही खास क्षणांच्या फोटोंनी चाहत्यांचं लक्ष वेधून घेतलं आहे. चाहत्यांनी या दोघांनाही नव्या आयुष्यासाठी शुभेच्छा दिल्या आहेत.

२७ ऑक्टोबर, रविवारी सुरभी आणि सुमीत कुटुंबीय आणि मोजक्या पाहुण्यांच्या उपस्थितीत लग्नाच्या बेडीत अडकले.

सुरभी हा हिंदी टेलिव्हिजनचा लोकप्रिय चेहरा आहे. सुरभीने 'नागिन', 'कबुल है', 'कोई लौट के आया है', 'इश्कबाज' अशा लोकप्रिय मालिकांमध्ये काम केलं आहे.