Rashami Desai : “मला बेशुद्ध करण्याचा प्रयत्न केला अन्...”; १६ व्या वर्षी आला कास्टिंग काउचचा भयंकर अनुभव

Rashami Desai : रश्मीला काही वाईट अनुभवांनाही सामोरं जावं लागलं. अभिनेत्रीने तिला आलेला कास्टिंग काउचचा अनुभव शेअर केला आहे.

रश्मी देसाई टीव्हीच्या टॉप अभिनेत्रींपैकी एक आहे. तिने टीनएजमध्ये इंडस्ट्रीत काम करायला सुरुवात केली आणि अल्पावधीत ती लोकप्रिय झाली आहे.

यादरम्यान रश्मीला काही वाईट अनुभवांनाही सामोरं जावं लागलं. अभिनेत्रीने तिला आलेला कास्टिंग काउचचा अनुभव शेअर केला आहे.

कारकिर्दीच्या सुरुवातीच्या टप्प्यात कास्टिंग काउचचा कसा सामना केला हे रश्मीने सांगितलं. तेव्हा ती फक्त १६ वर्षांची होती.

एका मुलाखतीत रश्मी म्हणाली, “मला ऑडिशनसाठी बोलावण्यात आलं होतं. तिथे गेल्यावर मला दिसलं की, माझ्याशिवाय दुसरं कोणीच नाही.”

“तेव्हा मी १६ वर्षांची होते, त्याने मला बेशुद्ध करण्याचा प्रयत्न केला. मी अस्वस्थ होते आणि तिथून कसंबसं बाहेर पडण्याचा प्रयत्न केला.”

“काही तासांनंतर मी आईला हा धक्कादायक प्रकार सांगितला. दुसऱ्या दिवशी मी आईसोबत त्या व्यक्तीला भेटायला गेले.”

“त्यानंतर आईने त्याला धडा शिकवण्यासाठी कानशिलात लगावली. कास्टिंग काउच अनेकांचं होत असतं. प्रत्येक उद्योगात वाईट आणि चांगले लोक असतात.”

“मी भाग्यवान आहे की, यानंतर मी अनेक चांगल्या लोकांसोबत काम केलं. त्यांच्यासोबत काम करण्याचा माझा अनुभव चांगला होता.”

रश्मी देसाई सोशल मीडियावर खूप एक्टिव्ह असून ती नेहमीच तिचे ग्लॅमरस फोटो शेअर करत असते. तिचे असंख्य चाहते आहेत.