Rowdy Rakhi ड्रामा क्वीनच्या आयुष्यावर सिनेमा येणार; राखी सावंत पोलिसाच्या भूमिकेत; 'कोणी पंगा घेतला तर...'

'राऊडी राखी' सिनेमातून राखी हातात लाठी घेणार आहे. कोणी पंगा घेतला तर त्याला...

ड्रामा क्वीन राखी सावंतच्या आयु्ष्यात सध्या काही ना काही सुरुच आहे. यामुळे ती रोजच चर्चेत असते. पतीवर आरोप आणि दुबईत अॅक्टिंग अॅकॅडमी या कारणामुळे ती सध्या चर्चेत आहे.

राखी आता तिची पर्सनल लाईफ बाजूला ठेवून करिअरवर लक्ष देणार आहे. तिने नुकतेच एका प्रोजेक्टसाठी ब्रायडल लुकमध्ये व्हिडिओ शूट केला होता.

आता राखीचा आणखी एक ड्रामा येतोय. ड्रामा नाही तर पूर्ण सिनेमाच येतोय. राखी सावंतच्या जीवनावरच सिनेमा आधारित असणार आहे.

बिंधास्त गर्ल राखी सावंतवर सिनेमा येत आहे. यामध्ये राखी स्वत:च मुख्य भूमिका करणार आहे. ती पोलिसाच्या भूमिकेत दिसणार आहे.

राखीचा भाऊ राकेश सावंतने सिनेमाच्या टायटलचीही घोषणा केली आहे. 'राऊडी राखी' असं सिनेमाचं नाव असणार आहे.

राकेश माध्यमांशी संवाद साधताना म्हणाला, 'होय मी ही फिल्म करत आहे.राखी एक राऊडी आहे. तिच्या रस्त्यात अडथळे आणणाऱ्याला ती माफ करत नाही.'

राखी सध्या दुबईत असून तिच्या राखी सावंत अॅकॅडमीचे नुकतेच उद्घाटन झाले. तिथे ती नवोदित कलाकारांनी अभिनय आणि डान्सही शिकवणार आहे.

तर दुसरीकडे तिचा पती आदिल खान अजुनही तुरुंगात आहे. त्याच्यावर मारहाण, फसवणुकीचे आरोप तिने केले आहेत.

मात्र आता राखी तिच्या पर्सनल आयुष्यातून बाहेर येत आपल्याला म्यूझिक अल्बम, सिनेमांमध्ये दिसेल अशी शक्यता आहे. कारण ती तिच्या करिअर कडेच लक्ष देत आहे.

राखीचा आता पुन्हा लग्नाचा विचार नाही असंही तिने म्हणलं आहे. राखीचे हे दुसरे लग्न होते. आदिलशी निकाह केल्यानंतर तिने इस्लाम धर्माचाही स्वीकार केला होता. तसेच तिने स्वत:चे नाव फातिमा करुन घेतले होते.