'सारं काही तिच्यासाठी'मधील उमाचा नवराही आहे प्रसिद्ध अभिनेता, तुम्हाला माहितीये का?

खुशबूचा नवरादेखील प्रसिद्ध अभिनेता आहे. खुशबूने त्याच्याबरोबरचे काही फोटो इन्स्टाग्रामवर शेअर करत खास पोस्ट लिहिली आहे.

'सारं काही तिच्यासाठी' ही टीव्हीवरील लोकप्रिय मालिका आहे. झी वाहिनीवरील या मालिकेने अल्पावधीतच प्रेक्षकांची मनं जिंकली. या मालिकेप्रमाणेच त्यातील पात्रांवरही प्रेक्षक भरभरुन प्रेम करतात.

या मालिकेत उमा हे पात्र साकारणारी अभिनेत्री खुशबू तावडेदेखील घराघरात पोहोचली आहे. अनेक मालिकांमध्ये काम केलेल्या खुशबूला 'सारं काही तिच्यासाठी' मालिकेमुळे प्रेक्षकांचं विशेष प्रेम मिळत आहे.

'आम्ही दोघी' मालिकेतील खुशबूच्या भूमिकेचं कौतुक झालं होतं. खुशबू 'आई कुठे काय करते' या लोकप्रिय मालिकेतही झळकली होती.

खुशबू सोशल मीडियावरही प्रचंड सक्रिय असल्याचं पाहायला मिळतं. नवीन प्रोजेक्टबरोबरच वैयक्तिक आयुष्याबाबतही अनेकदा पोस्टद्वारे खुशबू चाहत्यांना माहिती देत असते.

खुशबूचा नवरादेखील प्रसिद्ध अभिनेता आहे. खुशबूने त्याच्याबरोबरचे काही फोटो इन्स्टाग्रामवर शेअर करत खास पोस्ट लिहिली आहे.

खुशबूच्या नवऱ्याचं नाव संग्राम साळवी असं आहे. 'देवयानी' या मालिकेतून संग्राम घराघरात पोहोचला. या मालिकेत त्याने संग्राम विखे पाटील ही भूमिका साकारली होती.

त्यानंतर 'कुलस्वामिनी', 'सरस्वती', 'मी तुझीच रे' या मालिकेत तो झळकला होता. संग्रामने मालिकांबरोबरच सिनेमांतही काम केलं आहे. 'शेर शिवराज', 'मितवा' या चित्रपटांत संग्राम महत्त्वाच्या भूमिकेत दिसला.

खुशबू आणि संग्रामने २०१८ साली विवाहबंधनात अडकत नव्या आयुष्याला सुरुवात केली. त्यांना राघव नावाचा एक मुलगाही आहे. गोंडस मुलाबरोबरचे फोटोही खुशबू अनेकदा शेअर करत असते.