मराठी मालिकाविश्वातील 'ही' अभिनेत्री आहे कराटे चॅम्पियन, पटकावला ब्लॅक बेल्ट

मराठी मालिकाविश्वात लोकप्रिय ठरलेली ही अभिनेत्री रिअल लाईफमध्ये कराटे चॅम्पियन ठरली

मराठी मनोरंजन विश्वातील ही अभिनेत्री सध्या चांगलीच लोकप्रिय आहे. ही अभिनेत्री म्हणजे प्राप्ती रेडकर.

'सावळ्याची जणू सावली' मालिकेत प्राप्ती रेडकर उत्कृष्ट अभिनय करुन प्रेक्षकांंचं मन जिंकतेय. प्राप्ती रेडकर रिअल लाईफमध्ये कराटे चॅम्पियन आहे.

प्राप्ती रेडकरने अलीकडेच एका कराटे चॅम्पियनशीप स्पर्धेत चांगली कामगिरी केली. इतकंच नव्हे प्राप्तीने ब्लॅक बेल्ट पटकावला अशी चर्चा आहे.

अभिनय क्षेत्रात सक्रीय असलेल्या प्राप्तीला किक बॉक्सिंग आणि कराटेचीही चांगली आवड आहे.

२०२१ मध्ये प्राप्तीने किक बॉक्सिंग स्पर्धेत सुवर्णपदक मिळवले होते. अभिनयासोबत खेळातही यशस्वी कामगिरी करणाऱ्या अभिनेत्री तशा दुर्मिळच.

प्राप्ती रेडकर तिच्या स्पोर्ट्स ग्रुपसोबत विविध कराटे स्पर्धांमध्ये सहभाग नोंदवत असते. प्राप्तीच्या व्यक्तिमत्वातील हा विशेष गुण पाहून अनेकांनी तिचं कौतुक केलंय.

कराटे चॅम्पियन असेलली प्राप्ती रेडकर सध्या झी मराठीवरील 'सावळ्याची जणू सावली' मालिकेत उत्कृष्ट अभिनय करत आहे. प्राप्तीने मालिकेत साकारलेल्या 'सावली' या भूमिकेने सर्वांचं मन जिंकलंय.