'शाका लाका बूम बूम' मधला संजू आठवतो का? २० वर्षांनंतर आता काय करतो, माहीत आहे?

'शाका लाका बूम बूम'मध्ये संजूची भूमिका साकारून बालकलाकार किंशुक वैद्यने प्रेक्षकांच्या मनात घर केलं होतं.

'शाका लाका बूम बूम' ही टीव्हीवरील लोकप्रिय मालिकांपैकी एक होती. अल्पावधीतच या मालिकेने प्रेक्षकांची मनं जिंकली होती.

या मालिकेतील संजू आणि त्याची जादूची पेन्सिल छोट्यांच्या गळ्यातील ताईत बनली होती.

प्रत्येक लहानग्याला 'शाका लाका बूम बूम'ची पेन्सिल आपल्याकडेही असावी असं वाटायचं.

२००० ते २००४ सालात टीव्हीवर प्रसारित होणाऱ्या 'शाका लाका बूम बूम'मध्ये संजूची भूमिका साकारून बालकलाकार किंशुक वैद्यने प्रेक्षकांच्या मनात घर केलं होतं.

किंशुक आता मोठा झाला आहे. आजही तो अभिनय क्षेत्रात कार्यरत आहे. 'बिजली' या अल्ट बालाजीच्या वेब सीरिजमधून तो प्रेक्षकांच्या भेटीला आला आहे.

किंशुक सोशल मीडियावरही प्रचंड सक्रिय असल्याचं पाहायला मिळतं. नव्या प्रोजेक्टची माहिती तो चाहत्यांना देत असतो.

२० वर्षांनंतर त्याचं फॅन फॉलोविंग कमी झालेलं दिसत नाही. त्याचे इन्स्टाग्रामवर २ लाखांहून अधिक फॉलोवर्स आहेत.

किंशुक अनेकदा नवीन प्रोजेक्टच्या माहितीबरोबरच त्याचे फोटोही शेअर करताना दिसतो.

'एक रिश्ता साजेदारी का', 'वो तो है अलबेला', 'राधे कृष्ण', 'वो अपना सा', 'कर्ण संगिनी' या मालिकांमध्येही तो झळकला होता.