Surbhi Chandna : "रोज रात्री रडायची..."; १३ वर्षे डेट केल्यावर अभिनेत्रीला लग्न केल्याचा पश्चाताप, झाली भावुक

Surbhi Chandna : लोकप्रिय टीव्ही अभिनेत्री सुरभी चंदना हिच्या लग्नाला ७ महिने झाले आहेत.

लोकप्रिय टीव्ही अभिनेत्री सुरभी चंदना हिच्या लग्नाला ७ महिने झाले आहेत. २ मार्च २०२४ रोजी अभिनेत्रीने बॉयफ्रेंड करण शर्मासोबत लग्न केलं.

अभिनेत्रीचं वैवाहिक जीवन काही खास नव्हतं. 'कपल ऑफ थिंग्स' पॉडकास्टमध्ये सुरभीने सांगितलं की, आता ती तिच्या वैवाहिक आयुष्यात नॉर्मल झाली आहे.

सुरभी म्हणाली, "जेव्हा माझं करणशी लग्न झालं. तेव्हा मी २ महिने रोज रात्री रडायचे. मी किती रात्री रडत घालवल्या आहेत हे माहीत नाही."

"आम्ही १३ वर्षे डेट केलं आणि नंतर लग्न केलं. आम्ही खूप चढ-उतार पाहिले, पण जेव्हा आम्ही लग्नानंतर एकत्र राहू लागलो तेव्हा आम्हाला कळलं की डेटिंग आणि वैवाहिक जीवन खूप वेगळं आहे."

"मला काहीच मॅनेज करता येत नव्हतं. मी माझ्या आई-वडिलांच्या घरी असताना आई-वडील सगळं सांभाळत असत. मला फारसं मॅनेज करावं लागलं नव्हतं. पण लग्नानंतर मला एकटीला हे सर्व कसं सांभाळायचं ते कळत नव्हतं."

"मी रोज रात्री रडायचे कारण मला माझ्या आई-वडिलांशिवाय जगण्याची सवय नव्हती. त्यामुळे मला माझ्या आई-वडिलांची खूप आठवण येते. करणने नेहमीच माझी काळजी घेतली आहे."

"तो मला शांत करायचा आणि मला माझ्या आई-वडिलांना भेटायला घेऊन जायचा. आता सगळं नॉर्मल झालं आहे. आता मी सगळं मॅनेज करते. पण सुरुवातीला मला वाटायचं की, मी लग्न का केलं?"

अभिनेत्री सुरभी चंदना सोशल मीडियावर खूप एक्टिव्ह असून ती नेहमीचे ग्लॅमरस फोटो शेअर करत असते. सुरभीचे असंख्य चाहते आहेत.