Tejaswini Lonari : ‘देवमाणूस 2’मधील आमदार मॅडम खऱ्या आयुष्यात आहेत भलत्याच ग्लॅमरस, पाहा किलर फोटो

Devmanus 2 , Tejaswini Lonari : झी मराठी वाहिनीवरील ‘देवमाणूस’ मालिकेमध्ये आमदार बाईची भूमिका साकारणारी अभिनेत्री तेजस्विनी लोणारीचे हे फोटो पाहून थक्क व्हाल...!

‘देवमाणूस 2’ या मालिकेने पहिल्या पवार्पासूनच प्रेक्षकांना खिळवून ठेवलं आहे. इन्स्पेक्टर मार्तंड जामकर यांच्या एंट्रीनंतर अतिशय रंजक वळणावर आली आहे. शिवाय आमदार बाईची तर चांगलीच चर्चा आहे.

काही दिवसांपूर्वीच मालिकेत आमदार बाईची एन्ट्री झाली. आमदार देवयानी गायकवाड असं तिचं नाव. ही भूमिका अभिनेत्री तेजस्विनी लोणारी साकारते आहे.

मालिकेतील आमदार बाई खूपच डेंजर आहे. गावात तिचा दबदबा आहे. तेजस्विनीनं अतिशय ताकदीनं ही भूमिका साकारली आहे.

मालिकेत तेजस्विनीचा लुक वेगळाच दिसत असला तरी खऱ्या आयुष्यात या आमदार बाई चांगल्याच ग्लॅमरस आहेत.

होय, तिचे फोटो पाहून हीच आमदार बाई, यावर क्षणभर विश्वास बसणार नाही. सोशल मीडियावर तेजस्विनी प्रचंड अ‍ॅक्टिव्ह आहे.

स्वत:चे ग्लॅमरस फोटो ती शेअर करत असते. फोटो असे की पाहून तुम्हीही थक्क व्हाल. साहजिकच तिचे फोटो तुफान व्हायरल होतात.

तेजस्विनीने याआधी काही चित्रपटांमध्ये काम केलं आहे. देवमाणूस 2 ही तिची पहिलीच मालिका आहे.

तेजस्विनीने आपल्या करिअरची सुरूवात साऊथ सिनेमांमधून केली होती. त्यानंतर तिने मराठी सिनेमे केलेत.

दोघांत तिसरा आता सगळं विसरा या सिनेमात ती मकरंद अनासपुरे यांच्यासोबत दिसली होती.

मराठी सिनेमे कमी केले असले तरी बर्नी, चिनू, नो प्रॉब्लेम इन यासारख्या चित्रपटांमधून तिने आपल्या अभिनयाची चुणूक दाखवली आहे.

हिंदी मालिकेत देखील तिने काम केलं आहे. नितीन चंद्रकांत देसाई यांच्या एका हिंदी मालिकेत तेजस्विनी लीड रोलमध्ये दिसली होती.

तेजस्विनीने फिल्म मेकिंगचा अभ्यासक्रम केला आहे. एम ए केल्यानंतर तिने बिझनेस आॅफ फिल्म मेकिंग अ‍ॅण्ड टेलिव्हिजनमध्ये पोस्ट ग्रॅज्युएशन पूर्ण केलं.