PHOTO: थाटात पार पडलं 'कुंडली भाग्य' फेम अभिनेत्रीचं डोहाळजेवण; सहकलाकारही दिसले सोबत

'कुंडली भाग्य' फेम अभिनेत्री श्रद्धा आर्याच्या घरी लवकरच चिमुकल्या पाहुण्याचं आगमन होणार आहे.

छोट्या पडद्यावरील लोकप्रिय अभिनेत्री म्हणजे श्रद्धा आर्या. लवकरच अभिनेत्रीच्या घरी नव्या पाहुण्याचं आगमन होणार आहे.

झी टीव्ही वाहिनीवरील 'कुंडली भाग्य' या मालिकेत तिने प्रीता नावाची व्यक्तिरेखा साकारली आहे. सध्या अभिनेत्री श्रद्धा आर्या तिच्या प्रेग्नेंसीमुळे चर्चेत आली आहे.

श्रद्धाचा चाहता वर्ग मोठा असून ती सोशल मीडियावरही प्रचंड सक्रिय असते. अलिकडेच श्रद्धाने तिच्या चाहत्यांबरोबर एक गुडन्यूज शेअर केली होती.

अभिनेत्री श्रद्धा आर्या लवकरच आई होणार आहे. लग्नाच्या ३ वर्षानंतर तिच्या घरी पाळणा हलणार आहे.

नुकतेचं अभिनेत्रीने इन्स्टाग्रामवर तिच्या डोहाळजेवणाचे फोटो चाहत्यांसोबत शेअर केले आहेत.

या फोटोंमध्ये श्रद्धा तिच्या पतीसोबत केक कापताना दिसते आहे.

श्रद्धाने फोटोंमध्ये गुलाबी रंगाची साडी नेसली आहे. या कार्यक्रमात तिच्यासोबत कुटुंबियांसह 'कुंडली भाग्य' मालिकेतील सहकलाकारही दिसत आहेत.

अभिनेत्री १६ नोव्हेंबर २०२१ मध्ये राहुल नागल यांच्यासोबत विवाह बंधनात अडकली. आता लग्नाच्या ३ वर्षानंतर ते दोघे आई-बाबा होणार आहेत.